Lepisma saccharina

Dâ Wikipedia, la nciclupidìa lìbbira.
Lepisma saccharina
Silberfischchen.jpg
Lepisma saccharina
Classificazzioni scintìfica
Regnu: Animalia
Filu: Artropoda
Classi: Insecta
Òrdini: Thysanura
Famigghia: Lepismatidae
Gèniri: Lepisma
Speci: saccharina
Binomial nomu
Lepisma saccharina
Linnaeus, 1758

Lepisma saccharina (nomu cumuni moddu o pisciteddu d'argentu) è nu nzettu nicareddu e senza l'ali chi nun cci piaci â luci. Sta speci pigghia lu sò nomu cumuni dû culuri firranti dû sò corpu. Li pisciteddi d'argentu càmpanu manciannu carbuidrati comu l'àmidu o lu zùccaru, e chissu spiega l'urìggini dû nomu scintìficu. Apparteni a l'òrdini Thysanura, e havi statu ngiru pi 300 miliuna d'anni.

Apparenza[cancia | cancia la surgenti]

La lunghizza dâ lepisma saccharina, senza cuntari li jammi, è unu o du cintìmetri. Li soi granfi sunnu longhi e comu fila. Nn'havi dui, tri o quattru pedi chî granfi. Li soi còrpura sunnu lùcidi comu lu mitallu pû fattu dî soi scagghi argintati, chi cci vennu doppu avennu dipirdùtusi ssi scagghi pâ terza vota.

Avanzamentu[cancia | cancia la surgenti]

Addipinnennu â sò cundizzioni viventi, lu pisciteddu d'argentu cci voli quattru misi prima d'addivintari maturu, e quarchi vota cci voli tri anni. Cu na timpiratura nurmali, addiventa maturu doppu ôn annu. Pò campari tra dui o ott'anni. Quannu la timpiratura s'attrova tra 25 e 30 gradi, la fìmmina fa circa centu ova, usuarmenti dintra li spacchi. È mpussìbbili pî pisciteddi d'argentu ripruducìrisi nni l'ambienti friddi e sicchi.

Manciari[cancia | cancia la surgenti]

Lu manciari prifirutu dî pisciteddi d'argentu cumprenni elimenti chi cuntèninu àmidu, o polisaccharidi comu s'attrova nta l'adèsivi: codda, màstici, libbra, fotugrafii, zùccaru, capiddi, canigghiola e terra. Ma puru si pò mèttiri cu cuttuni, linu, sita e fibbri artificiali, e macari nsetti morti. Tuttavia, pò jiri senza manciari pi quattru misi, senza fari mali ô sò corpu.

Ambienti viventi[cancia | cancia la surgenti]

Li pisciteddi d'argentu càmpanu nni l'abbitazzioni umani, comu fannu li blatti e scravagghi. Si tròvanu sutta li frigurìfiri, o ntê gabinetti abbastanti cauri. Si cci piacinu arrusicari li libbra, arazzi e tissuti. Pi l'autra manu, li blatti si prifiriscinu li cundizzioni cchiù cauri, e s'attròvanu ntê panificci, unni si mancianu la farina e pani.

Ripruduzzioni[cancia | cancia la surgenti]

A silverfish (Lepisma saccharina) senza li scagghi argintati, chi cci vennu sulu doppu avennu dipirdùtusilli pâ terza vota.

Pû fattu ca hannu la natura nutturna, lu fùttiri d'iddi si canusci sulu di st'urtimi anni. Lu màsculu e la fimmina si cci furrìanu canti canti mittènnusi 'n bruddu. Lu màsculu si fa la sperma, accumighiata di garza. La fìmmina trovi la sperma e la pigghia.

Nìmicu[cancia | cancia la surgenti]

Lu nìmicu naturali di lu pisciteddu d'argentu e nu nsettu canusciutu comu la furficedda (Forficula auricularia).

Sdirradicamentu[cancia | cancia la surgenti]

Binchè veni canusciutu comu nu nsettu dannìficu, lu dannaggiu causatu dû pisciteddu d'argentu è di pocu cuntu e st'armali fannu nudda mprissioni suprô salutu umanu. Ntê fàbbrichi, siddu nun cci asisti la caurizza e l'umiditati, li pisciteddi d'argentu nun càmpanu. St'autri misuri ponnu eliminari la pupulazzioni, ma sulu pi picca tempu:

  • Na miscata cu na currispunnenza 1:1 di borax e zùccaru li ammazza pi sicuru.
  • P'acchiapparili, sbrizziati lu gessu suprôn tissutu jancu e vagnatu, mintìtilu pi notti nta n'agnuni abbicinu unni s'ammùccianu.
  • Puru putiti mintiri nanticchia di patata pi notti nta n'agnuni abbicinu unni s'ammùccianu. Li pisciteddi d'argentu si cammìnanu dintra la patata pi manciarila. Quannu s'agghiorna, si pò jittari via la patata sana (cû nsettu ancura dintra).

Liami esterni[cancia | cancia la surgenti]

Commons-logo.svg
Nta Commons s'attròvanu àutri mmàggini rilativi a Lepisma saccharina.