Lacu

Dâ Wikipedia, la nciclupidìa lìbbira.
Nu lacu di Bariloche, Argintina.
Lu lacu di Pergusa (Enna).

Pi àutri significati dâ parola "lacu" taliati ccà

Nu lacu è nu bacinu naturali d'acqua, quasi sempri duci, furmatu pi accrizzioni d'acqua, pi afflussu dî ciumi, o ancora pi l'emissioni d'acqua di na surgenti suttirrània.

Urìggini dû nomu[cancia | cancia la surgenti]

La palora "lacu" veni dû latinu "lacus", ca veni ancora dâ radici innueuropea *lakw-, cû stissu significatu.

Tipi di lachi[cancia | cancia la surgenti]

Cci nni sunnu diversi tipi di lachi:

  • Lachi di supirfici, li lachi nurmali, chiamati macari sulu lachi;
  • Lachi suttirrànii o suttatirrànii;
  • Lachi staciunali o staggiunali, chiddi ca si jìncunu sulu quannu chiovi forti;
  • Lachi subglaciali, ca s'attrova sutta lu ghiacciu e nn'havi suprattuttu nta l'Antartidi;
  • Lachi proglaciali, ca rèstanu ngagghiati ntê bacini quannu la nivi e lu ghiazzu squàgghianu.

Li lachi dû munnu[cancia | cancia la surgenti]

Lachi di mpurtanza granni sunnu lu lacu Michigan ntâ Mèrica dû Nord, lu lacu Titicaca ntâ Mèrica dû Sud, lu lacu Tanganika nta l' Africa, lu lacu Baikal n Asia. N Europa avemu lu lacu Balaton (Unghiria), li lachi di l'Alpi, e vari àutri lachi di diminzioni cchiù nichi. N Sicilia lu lacu cchiù mpurtanti è lu lacu di Pergusa ntâ pruvincia di Enna; vicinu â Chiana di Catania s'attrova lu Lacu di Lintini.

Nu lacu dî Ganzirri (Missina)
Commons
Commons
Lu Wikimedia Commons havi 'na catigurìa cca conteni media su Lacu