Kavusa
A Hausa o Mannamentu Tribbunali è nu quarteri stòricu di Palermu.
Ìndici |
Lu nomu [cancia]
Lu primu nomu dû quarteri è a Hausa, ca veni di l' àrabbu al Khalisa e ca voli diri la pura- Chistu nomu ci vinni datu pi siparàrila di la citati vecchia.
Lu nomu di ora è Mannamentu Tribbunali (ma nnâ citati li cristiani ùsanu lu nomu àrabbu), pâ prisenza di lu vecchiu tribbunali di la nquisizzioni, palazzu stòricu accanusciutu cô nomu di Palazzu Chiaramunti-Steri.
Pusizzioni [cancia]
Lu quarteri s'attrova nnû centru stòricu, banna mari, e è tagghiatu di:
- Via Maqueda a Òvist;
- Via Lincoln a Sud;
- Foru Italicu ad Est;
- U Cassaru o Corsu Vittoriu Manueli a Nord.
Storia [cancia]
Lu quarteri fu criatu nnû pirìudu àrabbu e è lu primu quarteri chiossai di fora n cunfruntu ê mura cchiù antichi ca s'attruvàvanu nnâ zona cchiù a Òvist; stu novu quarteri vinni custruitu e furtificatu 'n picca tempu pi criari n'àutru puntu a difisa dâ cità, luntanu dû vecchiu centru, unni cc'èranu assai cuntrasti e pinzera a la siccissiuni; pi ssu mutivu fu scigghiuta comu pusizzioni pô quarteri novu l' ària Sud-urientali dû portu ca jìa spannènnusi, grazzi macari a li dui ciumi.
A l'èbbica dâ duminazziuni nurmanna li mura àrabbi furu sdirrubbati e si lassaru sulu li mura di fora dâ citati, pi pirmittiri la cumunicazzioni ntra li varî zoni e picchì sta prutizzioni nun sirvìa cchiù; nnû stissu pirìudu fu fabbricatu lu Casteddu a Mari, nnû latu di ddà banna ô casteddu vecchiu.
Duranti lu piriudu midievali la zona, avìa addivintatu cchiù granni n manera casuali, l'orti e li jardini furu distrutti pi custruiri novi casi e palazzi, accussì lu quarteri, ca era arrassu di lu centru, s'attruvò prima junciutu a lu quarteri ibraicu e appoi videmma a la citati furtificata.
L'area fu arrisistimata ntô seculu XV, ntô 1600 cu tagghiu di la via Maqueda fu cumpritamenti scumminatu, e doppu n'àutru tagghiu, chiddu di la via Roma, canciò tuttu arreri e tagghiò n dui banni lu quarteri.
Accamora lu quarteri, tannu assai malu cumminatu, nti li ùrtimi anni ha vidutu nu lestu migghiuramentu: ô sò nternu si vìunu zoni ristaurati e zoni n cursu di ristàuru, tantu ca li strati stritti, sunnu risi ancora cchiù stritti dâ prisenza di canteri edili.
Di li anni 2000 lu cumuni urganizza n estati nu festival, chiamatu Kals'Art, unni dintra a li strati tutti li sirati cci sunnu cuncerti, mustri e rapprisintazzioni tiatrali, mentri li beni culturali arrestanu aperti e visitàbbbili nzinu a tarda nutti. Ssu festival è acciancatu videmma duranti li mmerni di lu Winter Kals'Art c'arripruponi, ma pi nu piriudu cchiù curtu, la mitisima attimusfera.
Zoccu cc'è ntû quarteri [cancia]
|
Cresi
|
Tiatri Chiazzi |
|
