Ippocrati

Dâ Wikipedia, la nciclupidìa lìbbira.
Ippocrati di Kos

Ippocrati nascìu a Kos 'n Grecia ntô 460 a.C. e murìu a Larissa ntô 370 a.C. circa. Veni cunziddiratu lu patrimidicina.

Figghiu d' Eracleidi e di Finareti Ippocrati pruveni di na famigghia aristucràtica. Lu patri, ca dicìa d'èssiri nu discinnenti d' Asclepiu, diu dâ midicina, era iddu stissu un mèdicu.
Fu propiu lu patri nzèmmula a Eròdicu (prubbabbirmenti di Cnido) a nzignàrici l'arti mèdica. Ippocrati travagghiau a Kos, viaggiau tantu 'n Grecia e gudìu 'n vita di na fama ccizziunali. Ippocrati ntruducìu lu cuncettu nnuvativu ca la malattìa e la saluti di na pirsuna addipinnissiru di spicìfichi circustanzi umani dâ pirsuna stissa e nun di supiriuri ntirventi divini: fu videmma lu primu a studiari l'anatumìa e la patoluggìa tramiti la dissizzioni supra li cadàviri. Acquisìu granni fama nta l'antichitati dibbillannu la granni pesti d' Ateni429 a.C.

Ippocrati mmintau la cartedda clìnica e tiurizzau la nicissitati d'assirvari razziunarmenti li pacenti prinnènnunni 'n cunziddirazzioni l'aspettu e li sintumi; ntruducìu, pâ prima vota, li cuncetti di diagnusi e prògnusi. La sô fama è duvuta macari, e forsi suprattuttu, â sô attivitati di mastru; funnau na vera e propia scola mèdica e rigulau 'n manera pricisa li normi di cumpurtamentu dû mèdicu, cugghiuti ntô sô famusu giuramentu 'n cui, tra l'àutru, si ntruduci lu cuncettu di sicretu prufissiunali.

Li sô òpiri, na sittantina, sunnu cugghiuti ntô Corpus Hippocraticum; sustinni la tiurìa umurali, sècunnu la quali lu nostru corpu è cuvirnatu di quattru umura diversi (sangu, bili giarna, bili niura, flegma), ca cumminànnusi 'n diffirenti maneri cunnucinu â saluti o â malattìa.

A iddu si devi la mpurtanza dû cuncettu di dieta e alimintazzioni ô nternu dâ duttrina di l'umura; la cuniugazzioni di midicina e chirurgia (ô statu di pràtica di purghi e salassi).


Midicina
Caduceo.gif Tutti l'artìculi di Midicina | Tutti li Malatìi | Spicialità Mèdichi

Fonti[cancia | cancia la surgenti]

La fonti di st'artìculu è Uicchipidia Taliana:

http://it.wikipedia.org/wiki/Ippocrate_%28Kos%29