Iconuclastia

Artìculu n vitrina
Dâ Wikipedia, la nciclupidìa lìbbira.

L' iconuclastia (dû grecu εἰκόν - eikón, "mmaggini" e κλάω - kláo, "spizzari") fu nu muvimentu di carattiri riliggiusu chi si sviluppau â prima mità dû sèculu VIII. Â basi di stu muvumentu ci stava la cunvinzioni chi la vinirazzioni dî iconi sfuciassi spissu nti l'idolatria, n'attitudini liata a pratichi pagani.

Tistimunianzi iconuclasti di lu muvumentu prutistanti ntô nord Europa.

Lu muvimentu pruvucau na lutta duttrinaria assai làrica, supratuttu tra cristiani d'uccidenti, favurevuli ô cultu dî mmàggini e cristiani d'urienti, particularmenti zilanti nti la lutta contra la vinirazzioni dî iconi.

La lutta contra la vinirazzioni dî mmàggini fu graputa dû mpiraturi bizzantinu Liuni III chi dicritau ntô 726 l'eliminazzioni dî mmàggini.

Lu rolu dê cristiani di Sicilia fu di rappacificazzioni dî dui currenti. Sibbeni li cristiani di Sicilia èranu all'èbbica sutta lu duminiu bizzantinu, iddi nun applicaru lu dicretu dû mpiraturi, e certuni, comu San Giuseppi Innografu travagghiaru â curti di Custantinòpuli pi pirmettiri l'auturizzazzioni di na certa pratica di cultu dî mmàggini. Sti midiatura, spissu foru pirsicutati, ma quannu â mità dû sèculu IX lu cultu dî mmàggini fu ristabbilutu, ci fu puru na riabbilitazzioni dî riliggiusi siciliani, comu San Giuseppi.

Autri formi di iconuclastia[cancia | cancia la surgenti]

Nti l'islam[cancia | cancia la surgenti]

Nti la duttrina islamica li mmàggini dî pirsuni liati â storia mussulmana nun sunu pirmissi. Ancora òi, la raffigurazzioni di Maumettu pi esempiu, provuca cuntruversi senza suluzzioni. La duttrina iconuclasta islamica fu applicata puru dî turchi quannu nvasiru li tirritoria bizzantini. Ancora òi ô centru di Ateni si pònnu vidiri antichi chiesi bizzantini, unni li mmàggini dî santi sunnu senza occhi, livati di l'occupanti turcu.

Lu prutistantesimu[cancia | cancia la surgenti]

A partiri dû sèculu XVI li prutistanti chi pigghiaru lu cuntrollu dî cattiddrali dû nord e dû centru di l'Europa si punèvanu comu obbiettivu tra l'autri cosi, di renniri la pratica riliggiusa cchiù essinziali. Fu l'èbbica n cui li cattiddrali barocchi foru trasfurmati n templi prutistanti, livannu ogni raffigurazzioni di madonni, santi e quantu àutru, e priviliggiannu l'essinzialità di l'architittura e lu sviluppu dâ musica comu manera di cultu riliggiusu.


Wikimedaglia
Wikimedaglia
Chista è na vuci nzirita nni l'artìculu n vitrina, zoè una dî mègghiu vuci criati dâ cumunità.
Fu arricanusciuta lu 9 di uttùviru 2009

S'hai traduciutu n'artìculu o hai criatu na vuci e riteni ca sia lu casu di fàrila canùsciri picchì è cumpreta n tuttu, signàlila. Naturalmenti, sunnu boni accittati suggirimenti e canciamenti chi mìgghiùranu lu travagghiu.

Signala na vuci          Archiviu         Talìa tutti l'articuli n vitrina