Euru

Comu si prisenta la munita di 1 euru.

L' Euru (chi si innica cu lu sìmmulu €) e' la munita ca si usa nta 17 stati (di 27) di l'Unioni europea. Si cumponi di pìcciuli di 1, 2, 5, 10, 20, 50 cintèsimi, 1 e 2 euru, e di munita di carta di 5, 10, 20, 50, 100, 200 e 500 euru.

In funzioni ntê banchi, a partiri dû 1999, cumincia a circulari ntô 2002 comu munita ùnica pî stati ca rispèttanu li paràmitri di Maastricht ca l'Unioni Europea si detti. N Italia l'euru pigghiau lu postu dâ lira.

La Banca Cintrali Europea è responsàbbili di la gestioni econòmica di la munita.

La forza e la mpurtanza di l'euro ha cunvinciutu diversi àutri nazzioni ca nun fannu parti di l'Unioni Europea, comu lu Montenegru, o lu Kossovu a usari l'euru. Autri stati europei, comu la Littonia, la Bosnia Erzegovina, la Bulgarìa usunu muniti chi hannu nu canciu fissu cu l'euru. Autri stati e tirritori ntô munnu, ma principarmenti 'n Africa, ùsanu lu francu CFA, na munita chi havi nu canciu fissu cu l'euru.

Stati ca ùsanu l'Euru

Stati chi emettunu e usunu l'euru (n blu). N violettu li stati ca usunu l'euru senza emittirilu. N virdi li stati candidati all'adisioni all'euru. La Danimarca e la Gran Britagna dicideru di manteniri la munita nazziunali.

Stati	Adozzioni di l'euru
Austria	1° Jinnaru 1999
Belgiu
Finlandia
Francia
Germania
Irlanda
Italia
Lussimburgu
Olanda
Portugallu
Spagna
Grecia	1° Jinnaru 2001
Slovenia	1° Jinnaru 2007
Cipru	1° Jinnaru 2008
Malta
Slovacchia	1° Jinnaru 2009
Estonia	1° Jinnaru 2011

La zona euru

A stu momentu li stati membri ca partecipanu all'euru su 17: tutti sti paisi inzemmula viene chiamatu "Eurozona", o "Eurolannia". L'ultimi dui stati ca hanno adiritu su Malta e Cipru a cuminciari ô 1 di jinnaru 2008, Slovacchia a cuminciari dû 1 di jinnaru 2009 e l'Estonia a cuminciari dû 1 di jinnaru 2011.

Àutri stati o tirritori ca ùsanu l'Euru

Andorra, Principatu di Mònacu, Kossovu, Montenegru, San Marinu, Vaticanu.