DNA

Dâ Wikipedia, la nciclupidìa lìbbira.
DNA Overview it .png

L' àcitu desossiribbunucleicu o deossiribbunucleicu (DNA) è n'àcitu nuclèicu ca cunteni li nfurmazzioni ginetichi nicissarî â biosìntisi di RNA e prutiìni, mulèculi ndispinsàbbili pô sviluppu e lu funziunamentu giustu dô chiossai dê sistemi biològgichi.

Lu DNA è fattu di dui catini antiparalleli (backbones) ca su' fatti di desossiribosiu e fusfatu arrunzati pû lijàmi fosfudiestericu. Li dui catini s'arrùnzanu appoi pê ntirazzioni idrofòbbichi ntra còppî di basi azutati, e mannannu fora acqua furrìanu, addivintannu na duppia èlica. Lu munòmiru di base ca furma lu DNA si dici desossinucleotidu; chiddi ca s'attròvanu di sòlitu sunnu desossitimidinamonufusfatu, desossicitosinamonufusfatu, desossiadenosinamonufusfatu, desossiguanidinamonufusfatu.