Centru Cristianu Dimucràticu

Centru Cristianu Dimucràticu

(IT) Centro Cristiano Democratico
Leader	Pier Ferdinando Casini
Statu	Italia
Funnazioni	18 di jinnaru 1994
Dissuluzioni	6 di dicèmmiru 2002

Idiolugìa	Cristianesimu Dimucràticu
Cullucazioni	Centru Centrudestra
Siggi massimi Cammara	27 / 630 1994
Siggi massimi Sinatu	15 / 315 1996
Siggi massimi Euruparramentu	3 / 81 1994
Cancia dati ntra Wikidata · Manuali

Lu Centru Cristianu Dimucràticu ('n italianu Centro Cristiano Democratico, CCD) ha statu nu partitu pùliticu italianu.

Stòria[cancia | cancia la surgenti]

Lu partitu vinni funnatu lu jinnaru 1994 da ddi espunenti mudirati di la Dimucrazzìa Cristiana ca nun vulìanu trasiri dintra lu Partitu Pupulari Italianu ca vinni funnatu lu stissu jornu. A l'elizzioni pulitichi di lu 1994 lu CCD sustinìu l'allianza cu Forza Italia di Silvio Berlusconi, nni l'ammitu dâ cualizzioni dû Polu dî Libbirtati ô nord e lu Polu dû Bonu Guvernu ô sud. Doppu la caruta dû guvernu Berlusconi pâ nisciuta da Lega Nord da lu guvernu, nnô 1996 s'arriva a l'elizzioni anticipati cu lu CCD ca nzemi a FI, AN e CDU custituisci la cualizzioni dû Polu pî Libbirtati. Pi supirari lu sbarramentu lu CCD e CDU prisintaru li listi cumuni nnô prupurzzionali dâ Camira. Lu CCD-CDU uttinni 30 diputati e 25 sinaturi mentru lu polu pirdìu l'elizzioni a faùri di lu centru-manca cu a capu Romano Prodi. Nnô 1998 Clemente Mastella lassa lu partitu pi funnari li Cristiani Dimucràtici pâ Ripùbbrica c'appoi cunfluisci nta l'Unioni Dimucràtica pâ Ripùbbrica di Francesco Cossiga. A l'elizzioni pulitichi di lu 2001 lu CCD e lu CDU participaru arreri cu listi cumuni nun arriniscennu macari a supirari lu sbarramentu dû 4%. Nnô 2002 li forzi mudirati di lu centrudestra (CCD-CDU e Dimucrazzìa Eurupia) dicidunu di funnari l'Unioni dî Dimucràtici Cristiani e di Centru, megghiu canusciuta comu UDC.