Forza Italia
Forza Italia è nu partitu pulìticu italianu. Funnatu dû magnati dâ televisioni e di l'editoria Silviu Berlusconi, cû scopu di rinnuvari lu panurama pulìticu italianu doppu lu scànnalu dî tangenti di l'inizziu di l'anni '90, riniscìu a vìnciri l'elizzioni liggislativi a dui riprisi: ntô 1994 e ntô 2001, purtannu lu stissu Berlusconi â càrrica di prisidenti dû cunzigghiu.
La cullucazzioni pulìtica [cancia]
Lu partitu di Forza Italia nascìu cu lu scopu di jìnchiri lu spazziu lassatu vacanti di la mplusioni dî partiti di centru destra chi esistèttiru nzinu a l'anni '90, e principarmenti dâ Dimocrazzìa Cristiana e dû Partitu Socialista Italianu, e ô stissu tempu di nun lassari lu campu lìbbiru â sinistra, spissu bullata comu cumunista dû stissu Berlusconi, sibbeni lu partitu comunista italianu, 'n sèquitu a la mplusioni dû cumunismu nti l'Europa orientali dû 1989 nun esistìa cchiù.
