Burgiu (timugna)
Lu burgiu è nu munzeddu di cuvuna di granu e pagghia cchiù giniralmenti. Di sòlitu stu munzeddu e' abbastanti granniusu e di na furma giomètrica, câ cima comu na cùbbula, sistimata nnâ manera ca cci duna tanticchia di prutizzioni contra lu malutempu.[1]
Etimuluggìa
[cancia | cancia la surgenti]La palora «burgiu» veni di l'àrabbu: burğ chi signìfica «turri». Cci nni sunnu ncruci pussìbbili cu lu latinu: burgus; cu lu grecu: pùrgus; e lu gòticu: baùrgs.[2]
Modi di diri
[cancia | cancia la surgenti]- testa di burgiu - na testa assai grossa; zuccuni; testa dura[3]. Sta ncuria si pò usari macari nnô pusitivu, pi discrìviri unu ca nun si cunzegna ê nimici.[4]
Rifirimenti
[cancia | cancia la surgenti]- ↑ Centro di Studi Filologici e Linguistici Siciliani (1977-2002) Vocabolario Siciliano, 5 vulumi a cura di Giorgiu Piccittu, Catania-Palermo
- ↑ Giarrizzo, Salvatore (1989) Dizionario Etimologico Siciliano, Herbita Editrice, Palermo
- ↑ Centro di Studi Filologici e Linguistici Siciliani (1977-2002) Vocabolario Siciliano, 5 vulumi a cura di Giorgiu Piccittu, Catania-Palermo
- ↑ Camilleri, Salvatore (1998) Vocabolario Italiano Siciliano, Edizioni Greco, Catania