BriganTony

Dâ Wikipedia, la nciclupidìa lìbbira.

BriganTony, nomu d'arti d’Antonino Caponnetto (Catania, 24 d’aprili di 1948), è un cantanti sicilianu di mùsica pupulari.

Biografìa[cancia | cancia la surgenti]

File:Brigantony.png
Brigantony ‘n "TELEMELAVIRO", Cupirtina Home Video

Assai notu ntâ Sicilia, havi opiratu supratuttu a l'èstiru, addivintannu l'ìdulu di l’emicrati.

Ntô 1976 havi pubbricatu lu sò primu arbum, A bella vita, siquìtu di na cinquantina di disca pubbricati. La sò mùsica è pupulari: la maiuri parti dî sò canzuni sunnu di l’adattamenti ‘n sicilianu di canzuni famusi (cover), comu p’asempiu Stuppai na Fanta (abbasata supra lu cèlibbri branu The final countdownEurope) e Iaffiu u cuttu, ca ricarca I feel good di James Brown.

Nta chistu havi statu lu primu ‘n Sicilia e dicini d’àutri autura, nta l’anni, l’hannu siquitu. Lu sò gèniri spazzia dâ cràssica tarantella siciliana ò rock e ô pop.

Premi[cancia | cancia la surgenti]

Tra li premi c’havi arricivutu s’arricòrdanu:

  • 1982 - Pirsunaggiu cchiù jittunatu pi li radiu privati siciliani;
  • 1985 - Midagghia d'onuri di Milanu ntô 1985;
  • 1990 - Li granni di la Sicilia (‘n Australia);
  • 1995 – Divurgaturi di la canzuna siciliana ntô munnu;
  • 2001 - Premiu ô pirsunaggiu nta “La Sicilia che sorride”.

Discugrafìa[cancia | cancia la surgenti]

  • A Bella Vita
  • A Banana
  • 1 X 2
  • 90° Minuto Telecronista
  • Abbambata (Lambada)
  • A Cavallo
  • A Ciolla
  • Alla Sciggis Minchis
  • es
  • Brigantony E La Sua Sicilia 1° Parte
  • Brigantony E La Sua Sicilia 2° Parte
  • Catania In Serie A
  • Curu Dance
  • Co' Filter Co' Bullu
  • ...Con Amore
  • Hotel Del Macco
  • D.O.C.
  • D.O.C. Vol. 2
  • Love
  • I Successi Di Brigantony
  • I Conna Non Passunu
  • Fazzu L'indianu
  • In Discoteca
  • International
  • Le Scenette Vol.1
  • Le Scenette Vol.2
  • Le Scenette Vol.3
  • Si puttanu la me vespa
  • Micio Tempio 2000
  • Micio Tempio 2000 Vol.2
  • Milano-ci nnè unu...
  • Mix Live
  • Perché Non Te La Fai Mettere Nel Disco?
  • Ppa' Vannu
  • Cu Ce' Ce'
  • Super Brigantony Man
  • The Bestia
  • Wanted
  • Le Più Belle Di Brigantony
  • Brigantony Si Scatena
  • Vamus A Pilus
  • Divertimento In Folk
  • Tanti Auguri Brigantony
  • Lido Paffias Club
  • 'U Sucu Do Pollu
  • The Boss
  • Messaggio D'amore
  • Usa 94
  • 2005-Ma se il caldo arriva
  • Non dire Bugie

Li canzuni[cancia | cancia la surgenti]

Li canzuni di Brigantony pàrrunu ginirarmenti di situazzioni tìpichi dâ Sicilia e principarmenti di Catania e la sò pruvincia, misi comunqui nta na vista diminziali; chistu addiventa scialusu assai quannu si tratta di canzuni ca iddu cancia dû talianu e dû nglisi ntô sicilianu, canciannu tutarmenti l'ambientazzioni.

La canzuna "Si puttanu a me vespa" voli èssiri la virsioni siciliana di "Hanno ucciso l'uomo ragno" (trad. sicilianu: "'Ammazzaru a l'Omu ragnu"), unni iddu canta di comu ci arrubbaru la vespa e di comu iddu penza ca a st'ura sâ stannu già smuntannu pi vinnìrisi li pezzi ntô scassu, cosa cumuni assai ntâ Sicilia (e macari nta àutri riggiuni taliani, dû sud e dû nord).

"Stuppai na fanta" trasfurma lu sonu èpicu di li "Europe" nta na situazzioni riddìcula di unu ca si porta a sò mugghieri nta na pizzirìa e idda nun nni voli sapiri di manciàrisi la pizza e anzi accumincia a luvàricci li cosi di ncoddu (l'alivi cci levi, î funci un-nni voi, û spezzi t'avvampa, â tuma un-nnâ voi). Brigantony allura si siddia e accumincia a mittìrici l'ogghiu ntâ pizza, spirannu ca idda s'accummincia a manciarisilla. La cumicità giniali di Brigantony stà ntô cuntrastu tra na canzuna c'havi un sonu èpicu, cu na chitarra ca fa na speci di cavalcata wagneriana, cu assoli di chitarra e di battirìa e chi parra di nu viaggiu stiddari (la canzuna parra di nu viaggiu supra lu pianeta Veneri) e na tìpica situazzioni siciliana ambientata nta fantumàtica pizzirìa "Sar' ma llicca", ccu na serî di dittagghi ca sulu li siciliani pòzzunu capiri.

"Iaffiu 'u cuttu" nveci lu pigghia nnô successu miricanu di James Brown e lu trasfurma ntâ storia di unu ca ci lassa â màchina a lu parchiggiaturi abbusivu (Jàffiu). Ovviamenti la màchina sâ pòrtanu e Jàffiu nun nni sapi nenti e nn'accumincia la tìpica situazzioni di la malavita catanisa unni Brigantony si nn'hâ jiri a chiamari "û zzu Puddu" chi ci spieca comu fari ppi fàrisi turnari â màchina di "Vitu".

"Bastardo" - Parra di unu ca si porta a sò soru nta na festa e chista casca sùbbutu nti li manu di Lu Bastardu ca è unu chi havi lu patri diputatu e pigghia un saccu di dinari. A l'inizziu iddu pari siddiatu di sta storia, picchì sò soru è "ancora comu la fici sò ma'", ma dopu, a pinzari di avìrici lu cugnatu figghiu di papà, s'accuntenta.

Curiusitati[cancia | cancia la surgenti]

Doppu li nummirusi successi discugràfici sia ‘n Italia ca a l’èsturu, ntô 1992 Brigantony s’apprisenta pi la prima vota ô sò pùbbricu puru ‘n vìdiu cu "TELEMELAVIRO", esilaranti cumeddia prudutta dâ EMMECI Home Video e diretta di Mario Calì, ntâ quali lu cantanti vesti li panni d’un simpàticu cunnutturi di telejurnali spissu ‘n culligamentu chê pirsunaggi cchiù strani.

Ntô 2005 si cantitau a Catania comu vicisìnnacu ma ci foru annullati cchiù di 1000 voti pirchì ntê schedi vinìa attruvatu scrittu "BriganTony" anzichì "Antonino Caponnetto". Nta st’accasioni, nfatti, vicinu ô nomu nun avìa statu spicificatu "Dittu Brigantony". Pi st’elezzioni si prividìanu pi Brigantony tantìssimi voti. Vinni, nfatti, fattu capulista. Lu manifestu d’iddu affissu vidi protagunista un funnuschena di picciotta ca s’ammuccia cu na vurzicedda e iddu ca dici "Si vutati d'accussì, jù acchianu sicuru!" ("Se votate così, io salgo di sicuro!")

Liami nterni[cancia | cancia la surgenti]

Culligamenti sterni[cancia | cancia la surgenti]