Spaccafurnu: Nu tirrimotu cu epicentru tra Spaccafurnu e Pachinu di magnitudini 4 dâ scala Richter curpìu tutta la punta dâ Sicilia sud-urientali. Tantu scantu, ma nun si signalaru danni.
Pachinu: Nu varcuni cu 160 immigrati, pi lu cchiossai fìmmini e picciriddi, agghicau â spiaggia. Li mmigrati foru succurruti dê genti ca èranu ntâ plaja. La guardia custera agghicau n sèquitu a la signalazzioni di nu turista prisenti.
Catania: Diversi cintinara di mmiggrati sbarcaru ntî l'ùrtimi jorna ntrâ Lampidusa, Puzzaddu e Portupalu. Na pocu foru succurruti puru n Calàbbria. Ntî l'ùrtimu sbarcu, nu varcuni n pruvinenza dâ Siria tuccau lu funnu di rina â plaja di Catania e diversi genti si jittaru n mari. Siei anniarru.
Damascu: Ci foru diversi cintinara di morti duvuti a nu prubabbili attaccu chìmicu. L'opposizzioni accusa lu riggimi di Bashar el Assad di lu massacru. Esperti ntirnazziunali agghicaru ddà pi appurari li fatti.
Lu Cairu: Ntî n'opirazzioni dâ polizzia eggizziana contra l'accampamenti di manifistanti pro Morsi, ci foru aremnu 340 morti. Li manifistanti pàrranu di migghiara di morti.
