Acqua (vìppita)

Artìculu n vitrina
Dâ Wikipedia, la nciclupidìa lìbbira.
L'acqua

L'acqua (H2O: 2 àtumi d'idrògginu e 1 d'ossìgginu) è lu lìquitu cchiù cumuni supra la terra. Nurmalmenti havi nuddu aduri, nè sapuri, nè un culuri forti.

Li chianti, armali, e pirsuni hannu a vìviri l'acqua pi campari, picchì li nostri còrpura nn'hannu di bisognu pi stari 'n saluti. P'asempiu, l'acqua è n'elimentu mpurtanti dû suduri, dû sangu, dâ sputazza, e di l'urina. Lu suduri aiuta lu corpu a mantèniri la sò timpiratura. Lu sangu porta tutti li sustanzi nutrientistòmacu pi tutti li parti dû corpu. La sputazza nn'aiuta a pistiari e a diggiriri lu manciari. L'urina nn'aiuta a jittari via li sustanzi chìmici e tòssici dû corpu. L'acqua è l'elementu cchiù cumuni di tutti li vìppiti cchiù canusciuti, p'asempiu: latti, sucu, e vinu. Ogni vìppita havi l'àutri elimenti chi cci agghiunci o lu sapuri o li nutrienti, p'asempiu, zùccaru, frutta, e ogni vota alcool videmma. L'acqua chi na pirsuna o n'armalu si pò vìviri si chiama «putàbbili». L'acqua ca s'attrova nta l'ocèani è acqua salata (e dunca nun è putàbbili), ma li lachi e ciùmura nurmalmenti cumprènninu acqua frisca.

L'acqua è puru mpurtanti pî cèlluli picchìni certi tipi d'elimenti si rinèscinu a squagghiàricci. Pi chissu, cci duna nu mediu pî riazzioni chìmichi, e rinesci a purtari l'elimenti ntô sangu pi tuttu lu corpu. L'acqua aiuta a ridùciri e eliminari li risìdui dû corpu e aiuta la furmazzioni di l'urina.

L'acqua nn'havi videmma pruprietà fìsichi e chìmichi assai mpurtanti. Una di li principali è chidda ca fa lijami cu l'idrògginu e è sta cosa ca duna multi particularitati strani a l'acqua. Doppu cc'è di diri ca a quattru gradi è lu puntu unni iavi la dinzitati cchiù granni poi sia ca a l'acchianari ca a lu scìnniri di la timpiratura la dinzitati cala.

Pruverbi[cancia | cancia la surgenti]

  • «Annijàrisi ntôn gottu d'acqua.» - â littra signìfica unu ca mori annijatu ntôn bùmmulu d'acqua, voli diri ntraminzàrisi ntê guai senza èssiri nicissariu.[1] [2]

Lijami di fora[cancia | cancia la surgenti]

Rifirimenti[cancia | cancia la surgenti]

  1. Dieli, Arthur V., Proverbi Siciliani, Legas, 2014
  2. Camilleri, Salvatore (1998) Vocabolario Italiano Siciliano, Edizioni Greco, Catania


Wikimedaglia
Wikimedaglia
Chista è na vuci nzirita nni l'artìculu n vitrina, zoè una dî mègghiu vuci criati dâ cumunità.
Fu arricanusciuta lu 2006

S'hai traduciutu n'artìculu o hai criatu na vuci e riteni ca sia lu casu di fàrila canùsciri picchì è cumpreta n tuttu, signàlila. Naturalmenti, sunnu boni accittati suggirimenti e canciamenti chi mìgghiùranu lu travagghiu.

Signala na vuci          Archiviu         Talìa tutti l'articuli n vitrina