È fatta l'agghiotta

È fatta l'agghiotta è nu pruverbiu di la tradizzioni linguìstica siciliana. Lu significatu di la sintenzia è: lu mbrogghiu è fattu (l'agghiotta è na vivanna di marinari fatta di pisci, cipuddi e ogghiu cuciuti anzèmmula, nti stu pruverbiu havi lu significatu fiuratu di "mbrogghiu").

Citazzioni

Lu pruverbiu è citatu e spigatu nti la Raccolta di proverbj siciliani ridutti in canzuni di l'abbati Santu Rapisarda.

	«  Tantu furrija e fa meu meu la gatta, finchì trova la carni, o cruda, o cotta, tantu lu surgi ntra un bucu s'aggatta, sinu ca si taffiìa la ricotta: ma quannu lu patruni a la 'ntrasatta l'attrappa, e cerca dàricci na botta, cc'è cui cci dici: già la mbrogghia è fatta, amicu, ti la fìciru l'agghiotta.  »
	( Raccolta di proverbj siciliani ridutti in canzuni )

Vuci cunzigghiati

• Pruverbi siciliani, nu veru granni alencu di pruverbi di la Sicilia.