Zeami

Dâ Wikipedia, la nciclupidìa lìbbira.

Zeami Motokiyo (1363 circa - 1443 circa), canusciutu macari cû nomu di Kanze Motokiyo, fu n'atturi di tiatru Nō, nu drammaturgu, un tiòricu di l'era Muromachi (1333-1568) e nu pinzaturi giappunisi. 

Zeami fici lu Nō na mpurtanti forma tiatrali; nni fissau la forma e lu canuni artìsticu sia supra lu chianu dâ ricitazzioni sia supra chiddu dâ struttura drammatùrgica e dâ scenografia. Cû patri Kan'ami Kiyotsugu, Zeami s'esibbìu ntô 1374 davanti a Yoshimitsu, shogun dû clan Ashikaga, ca nni fici lu sô prutettu.

Dî circa cinquanta drammi scrivuti di Zeami emergi na forma di Nō furtimenti simmòlica e idializzata, carattirìstica ch'è particularmenti evidenti 'n Izutsu e Takasago, capulavori cunnutati dûn denzu linguaggiu puèticu. Li sô scritti tiòrici, quali Fushi kaden (1400-1418, traduciutu 'n talianu comu "L'insegnamento dello stile e del fiore"), si cuncèntranu supra l'hana, lu ciuri: lu spittaturi havi a aviri la mprissioni c'ogni pirsunaggiu, videmma lu cchiù umili, porta comu urnamentu nu ramu ciurutu.

Tra li scritti s'attròvanu arditi spiculazzioni ntillittuali e cunzigghi pràtici di tècnica scènica. Ntô 1422 Zeami divinni nu mònacu zen; ntô 1429 Yoshinori, novu shogun Ashikaga dî gusti menu raffinati dû pridicissuri, ci prifirìu nu Nō cchiù grezzu e agghicau addirittura a vitari ô drammaturgu lu ngressu a palazzu. L'òpira di Zeami vinni riprinnuta e fu rapprisintata chî cchiù granni anuri doppu la morti di Yoshinori.


Fonti[cancia | cancia la surgenti]

La fonti di st'artìculu è Uicchipidia Taliana:

http://it.wikipedia.org/wiki/Zeami