Wikipedia:Pulìtica di prutizzioni dî pàggini
L'amministraturi ponnu prutèggiri li pàggini mpidennu arcuni canciamenti.
Cci sunnu vari liveddi di prutizzioni di li pàggini:
- Prutizzioni cumpreta:sulu l'amministraturi ponnu canciari la pàggina
- Prutizzioni parziali:sulu l'utenti arriggistrati di cchiossai di 4 jorna ponnu canciàrila
- Prutizzioni ricursiva: vènunu prutetti macari li sutta pàggini
- Prutizzioni dâ criazzioni: cunzenti di mpidiri la criazzioni di na pàggina cu nu ditirminatu tìtulu.
Si na pàggina è prutetta, "Cancia" addiventa "Talìa la fonti".
Reuli ginirali[cancia la surgenti]
| La prutizzioni dê pàggini s'hà fari sulu n arcuni casi, vistu ca nni lìmita l'usu di la wikipedia. Wikipedia è la nciclupidìa lìbbira unni cuegghiè pò fari canciamenti. |
| La mutivazzioni di la prutizzioni s'havi sempri a ndicari n modu ca si vidi n log dê prutizzioni. |
| N ginirali li pàggini prutetti s'hannu a sprutèggiri appena pussìbili e li pàggini di discussioni s'hannu a lassari sprutetti. |
| La prutizzioni è sulu na misura "privintiva" |