Wikipedia:Drittu d'auturi
Quarsiasi cuntribbutu a st'enciclopedia havi a èssiri cidutu câ licenza GNU FDL, pirtantu ca voli cuntribbuiri havi a aviri li dritti supra lu testu ca manna. Chistu è unu di li principi basi nun dirugàbbili di l'enciclopedia.
Testi cu licenza GNU FDL
[cancia u còdici]Siddu nn'attrovi quarchi ducumentu ca dichiara d'usari la GNU FDL, allura pò èssiri na fonti pi cupiari o tradùciri. Elencu di siti c'utilìzzanu la GNU FDL:
- http://cdrom.gnutemberg.org/main.html (allatu ê cuntribbuti è ndicata la licenza, occhiu!)
Testi cu licenza Creative Commons
[cancia u còdici]Si ricuperi quarchi ducumentu rilassatu câ licenza creative commons nun è ditto ca pò èssiri libbiramenti cupiatu supra Wikipedia. Li licenzi Creative Commons sunnu multìplici e arcuni nclùdinu li clausoli nc (noncommercial) e nd (no derivative works) ca sunnu nun cumpatìbbili câ licenza GNU FDL pirchî mpidìscinu la mudìfica e la distribbuzzioni cummirciali dî cuntinuti. Attinzioni quinni! Sunnu accittàbbili senza previa auturizzazzioni di l'auturi sulu li licenzi ca cuntennu sclusivamenti li tipi Attribution (by) e Share Alike (sa) oppuru Pubblico Dominio.
La fonti dû ducumentu pò èssiri ndicata sia nta l'artìculu (agghiuncennu un suttaparàgrafu "fonti") oppuru ntâ pàggina di discussioni.
Testi ricupirati d'Internet
[cancia u còdici]Siddu nn'attrovi supra nu quarchi situ internet dî pàggini senza ndicazzioni di copyright nun voli diri ca si pò fari dû cuntinutu di ddi pàggini zoccu ni pari. La Cumminzioni Univirsali dû Drittu d'Auturi di Ginevra dû 1952 (ratificata 'n Italia cu liggi 20 di giugnu di 1978, n.399 e vàlida 'n quasi tutti li stati dû munnu testu ntigrali) stabbilisci c'ogni sprissioni dû travagghiu ntillittuali è prutiggiuta dû drittu d'auturi, senza ca sunnu addumannati ultiriuri atti o fatti o furmalità, quali ponnu èssiri la pubbricazzioni o lu dipòsitu di l'òpira o la sô riggistrazzioni. P'idintificari la liggislazzioni nazziunali di rifirimentu (sempri 'n ussequiu â cumminzioni univirsali) si va a aviri a fari rifirimentu â nazziunalità di l'auturi e ô statu 'n cui abbinni la prima pubbricazzioni. Siddu n'òpira è di n'artista (p'asempiu) statunitensi e fu pubbricata pâ prima vota ntê stati uniti, allura va a sèquiri la liggislazzioni U.S.A. supra lu drittu d'auturi.
Chistu significa ca tutti li testi e li mmàggini prisenti ntê siti web sunnu sempri prutiggiuti di copyright e nun ponnu mai èssiri utilizzati a menu di splicita auturizzazzioni di parti di l'auturi.
Fannu ccizzioni li suli testi pî quali scaderu li dritti. La liggislazzioni taliana (Liggi 22 d'aprili di 1941 n. 633, nnuvata câ liggi 22 di maju di 2004, n. 128), prividi tèrmini particulari p'ogni tipu d'òpira prutetta di copyright. 'N ginirali lu tèrmini, pâ scadenza dû drittu d'auturi, è di 70 anni dâ data dâ morti dû titulari dû drittu.
- Pi l'òpiri cinimatugràfichi, audiovisivi o di siquenzi di mmàggini 'n muvimentu (art.78 ter dâ sudditta liggi) la durata è di cinquanta anni dâ fissazzioni (di ntinnirisi comu fissazzioni dâ mmàggini supra la "pillìcula"). Siddu l'òpira cinimatugrafica o audiovisiva o la siquenza di mmàggini 'n muvimentu è pubbricata o cumunicata ô pùbbricu duranti tali tèrmini, la durata è di cinquanta anni dâ prima pubbricazzioni o, siddu antiriuri, dâ prima cumunicazzioni a lu pùbbricu di l'òpira cinimatugràfica o audiovisiva o dâ siquenza di mmàggini 'n muvimentu.
- Pî dritti rilativi a l'emissioni radiufònica e tilivisiva (art 79) la durata è fissata 'n cinquanta anni dâ prima diffusioni di n'emissioni.
- Pî dritti rilativi a buzzeddi di sceni tiatrali la durata è fissata 'n cincu anni a partiri dâ prima rapprisintazzioni ntâ quali lu buzzeddu fu adupiratu.
- Pî fotugrafìi:
- la liggi 'n uggettu cunziddira fotugrafìi: Sunnu cunziddirati fotugrafìi li mmàggini di pirsuni o d'aspetti, elimenti o fatti dâ vita naturali e suciali, uttinuti cû prucessu fotugràficu o cu prucessu anàlugu, cumprisi li ripruduzzioni d'òpiri di l'arti figurativa e li fotugrammi dî pillìculi cinimatugrafichi. Nun sunnu cumprisi li fotugrafìi di scritti, ducumenti, carti d'affari, uggetti matiriali, disegni tècnici e prudutti simili.
- la durata dî dritti rilativi ê fotugrafìi è fissata 'n vent'anni dâ pruduzzioni dâ fotugrafìa.
Testi propi
[cancia u còdici]Nun è veru ch'è mpussìbbili n'enciclopedia lìbbira senza aviri sulu ridattura ca sunnu macari ricircatura, accussì comu nun è mpussìbbili scrìviri na tesi di laurea ca si basa tantu spissu (addipenni dâ scenza) supra scritti di l'àutri. Poi' lèggiri testi di l'àutri, ma hai a rifurmulàrili. La canuscenza nun è suggetta a dritti d'auturi, ma scrìviri testi sì.
'N àutri palori: lu "'Copia-Ncolla'" è vitatìssimu, siddu nun si disponi dî dritti (quannu cuntribbuisci a scn.wiki di fattu auturizzi l'àutri di copia-ncolla-mudifica, ma a na cunnizzioni bonu pricisa: lu novu travagghiu, siddu veni ridistribbuiutu, havi a èssiri distribbuiutu chî stissi idèntici dritti).
Riassuntu:
[cancia u còdici]- mai utilizzari lu "copia-ncolla" siddu nun sî l'auturi o l'auturi nun ti detti li dritti ô puntu di rènniri pussìbbili la GNU FDL
- sempri: prucùrati li nfurmazzioni unni ti pari, ma scrivi tu lu testu
- traduci quarsiasi cosa è dispunìbbili câ licenza 'n chistioni (obberu tutti li cuntribbuti prisenti ntê diversi virsioni di http://www.wikipedia.org)