Wikipedia:Catigurìa

Dâ Wikipedia, la nciclupidìa lìbbira.

La funzioni Catigurìa cuntrolla l'autumatizzazzioni d'ìndici timàtici pi menzu di pàggini spiciali ditti category. Pirchì n'artìculu pò èssiri ndicizzatu autumaticamenti 'n una o cchiù catigurìi abbisogna agghiùnciri ô testu dâ vuci [[Catigurìa:nomu dû tema]].
P'asempiu p'agghiùnciri n'artìculu ntitulatu Albert Einstein â catigurìa "biografìi" abbasta attivari l'edit e mèttiri ô funnali "[[Catigurìa:Biografî]]".
La cumminzioni è di mìttiri la liami â catigurìa sutta lu testu principali ma supra li liami a l'àutri lingui. .

Catigurìa[cancia la surgenti]

La pàggina Catigurìa pò cuntèniri testu editàbbili, comu ogni àutra pàggina, ma quannu veni visualizzata, l'ùrtima parti dâ pàggina cumprenni na lista autumaticamenti ginirata di pàggini appartinenti â catigurìa stissa.
Wikipedia cumprenni un certu nùmmuru di listi. Chissi nun sunnu ùtili comu ìndici a cu leggi pi dui raggiuni:

  • è diffìcili mantènirili cumpreti e agghiurnati mentri chi si agghiùncinu pàggini a l'enciclopedìa;
  • cuntennu na granni quantitati di liami a pàggini nun ancora asistenti.

Adaciu sti listi ginirati autumaticamenti addivèntanu un furmidàbbili strumentu di littura e ricerca, e pìgghianu lu postu di l'àutri listi chi èranu custruiuti quannu la wikipedia siciliana accuminzau.

Sutta catigurìa[cancia la surgenti]

Li stissi Catigurìa ponnu èssiri cuntrassignati a sò vota comu appartinenti a n'àutra catigurìa. Quannu veni richiamata la catigurìa a cui chissi foru assignati, veni ammustratu na lista dî suttacatigurìa siparata e puru ginirata autumaticamenti.

Sizzioni dâ pàggina[cancia la surgenti]

La pàggina spiciali Catigurìa cumprenni 4 sizzioni:

  • La prima currispunni a na pàggina nurmali 'n cui si pò scrìviri nurmalmenti.
  • La sìcunna veni ginirata automaticamenti chî nomi di tutti li suttacatigurìa chi appartennu â Catigurìa. Nun si pò ntirvèniri 'n sta sizzioni.
  • La terza veni ginirata autumaticamenti chî nomi di tutti li pàggini sìmplici chi appartennu â Catigurìa. Nun si pò ntirvèniri 'n sta sizzioni.
  • La quarta evidenzia li Catigurìa a cui la catigurìa apparteni, comu suttacatigurìa.

Category asistenti[cancia la surgenti]

Pi cu voli criari na nova category è ùtili visualizzari la lista cumpreta già asistenti: Spiciali:Categorìi. Aviti stari attenti usannu li maiùsculi e li minùsculi. Pi funziunari justamenti, li littura hannu a èssiri pricisi.

Viditi puru:[cancia la surgenti]