Webmaster

Lu nomu webmaster, o webengineer, palòri ngrisi ca hanu trasutu ntô linguaggiu cumuni, innicunu giniralmenti na pirsuna ca pruggetta (webdesigner), custruisci ed è rispunsabbili di nu situ web.

Li diffirenzi ntra li dui termini sunu quasi mmisibbili ma è giusta cosa addupirari lu nomu "webengineer" a na fiùra di megghia prufissiunalità e pripazzioni, dannu anveci lu nomu "webmaster" macari comu n'attività di passatempu.

Lochi di travagghiu

Sta fiùra, nasciuta cô svilupparisi passu passiddu dû World Wide Web, pò pigghiari carattiristichi assai spicifichi a secunna dâ purtata dû situ web e dê spicializzazzioni tècnichi ca si pussedinu.

• Ntî nu situ di nica purtata o ntê sita di carattiri amaturiali o dilittantisticu, la pirsuna innicata comu webmaster sarrà sulitamenti lu pruggittista, lu sviluppaturi, lu prugrammaturi (scrittura dû còdici HTML e linguaggi sumigghianti), lu graficu, oltri sempri lu ridatturi dê cuntinuti. Ntê sita di scopu amaturiali a iddu vèni spissu affidata macari la gistiuni dê cuntatti cu l'utenti dû situ oltri ca la prupità stissa dû situ.
• Ntê sita di granni purtata e ntî l'ambienti prufissiunali, lu webmaster farà lu curdinaturi e supravisuri di nzoccu fanu l'àutri pirsuni ca travagghiu ô situ (grafichi, pubbricatura, ecetra.) ed tànnu è nu nurmali dipinnenti dû prupitari stissu dû situ: di chistu addiveni macari ca lu webmaster pigghia macari qualitati di na "fiùra prufissiunali".

Cumpitenzi

La fiùra prufissiunali,'n cunfrontu a chidda amaturiali/dilittantistica, avissi aviri na seria di canuscenzi comu la struttura ginirali dû web, la canuscenza dê standard di qualitati dichiarati ntô W3C (World Wide Web Consortium) e di unu o chiossai linguaggi di prugrammazzioni, la stisura di ducumenti accissibbili, la pruggittazzioni dê cuntinuti accissibbili, lu funzionamentu ginirali dê mutura di ricerca e dê sistemi di Information Retrieval (IR), oltri a na bona canuscenza ginirali dû sitturi nfurmaticu. Lu webmaster pi norma gistisci lu sviluppu dê applicazzioni sia client ca server, pigghiannusi la rispunsabbilità dâ pruggittazzioni e dâ misa online. Vènunu appressu lu prucessu di sviluppu ntî tutti li sò fasi (analisi, pruggittazzioni, funzionamentu, provi).

La fiùra, di nasciuta rilitivamenti ricenti, pigghia a rinnuvarisi cô rinnuvarisi dû web: di na latata l'isistenza di strummenta software di spèci WYSIWYG (What You See Is What You Get, chiddu ca vidi è chiddu ca hai) rènni attuarmenti pussibbili macari a pirsuna addutati di scarsi canuscenzi nfurmatichi la spummintazzioni di sèmprici pàggini web (spissu c'arrispunnunu picca ê standard ntirnazziunali); di n'àutra la gistiuni cumpleta di nu web server cumprenni la canuscenza di aspetti tècnichi ca vanu oltri la canuscenza di nu classicu webmaster e dumannunu la prisenza di nu amministraturi di sistema.