Vladivostok

Dâ Wikipedia, la nciclupidìa lìbbira.
Lu portu di Vladivostok.

Vladivostok è na cità di circa 600'000 abbitanti dâ Russia di l'estremu orienti. S'attrova vicinu â fruntera câ Cina e la Corea dû Nord. La cità s'affaccia supra l'Oceanu Pacificu, e pi la sò posizzioni strateggica fu pi tutta la guerra fridda na cità chiusa pê forasteri.

Oggi l'econumìa dâ cità si basa pi na parti mpurtanti ntô commerciu cô Giappuni e la Corea dû Sud, paisi cu cui li scanci cummirciali aumintaru di manera mpurtanti doppu la caduta di l'Unioni Suviètica ntô 1991.