Virgogna

Dâ Wikipedia, la nciclupidìa lìbbira.
Jump to navigation Jump to search

La palora virgogna è nu sintimentu di cunfusioni, di prufunnu trubbamentu, o di murtificazzioni ca veni dâ saputa d'aviri cummisu na malazzioni, d'aviri avutu nu malu cumpurtamentu, nu malu discursu, ecc.

E' macari lu sintimentu ca nu cristianu havi nta na situazzioni di difficurtati, pirò a diffirenza di lu mmarazzu, ca si spirimenta sclusivamenti n prisenza d'àutri, ci si pò svirgugnari puru di sulu e pi longu tempu; nortri, mentri lu mmarazzu sorgi pâ trasgrissioni di règuli cumpurtamintali suciali ca ponnu macari nun èssiri cundivisi, la virgogna è lu signali dâ ruttura di règuli di cunnutta pirsunali e nun cundivisi câ sucitati.

Ginirarmenti la virgogna è cunziddirata comu quarchicosa di nigativu, si pò affirmari macari ch'idda è n'emozzioni ca tràscina la pirsuna ntera rispettu â propia manchivulizza, pirchì è lu rinnìrisi cuntu d'aviri cummisu quarchicosa pâ quali putemu èssiri valutati di l'àutri n manera cumpretamenti diversa di chidda c'avìssimu vulutu.

Chistu pò causari tri diversi tipi di riazzioni:

  • La prima pò pruvucari ntô suggettu na riazzioni di tipu nigativu, ca l'ammutta a chiudìrisi nta iddu stissu ntê cunfrunti dâ sucitati e dî pirsuni ca l'ammuttaru a aviri st'attiggiamentu (oppuru siddu riguarda un difettu dû corpu n'ammutta a ammucciàrilu p'un senzu di puduri).
  • La secunna, mmeci, nascennu di lu sapiri d'aviri cummisu n'erruri o nu cumpurtamentu virgugnusu, ammutta la pirsuna a evitàrilu n spirienzi succissivi.
  • La terza, ca cumprenni li dui pricidenti. Zoè lu suggettu tinnennu a evitari sti cumpurtamenti, ca lu mèttinu n mmarazzu, puru siddu voli cuntinuari a evitàrili pi purtari avanti na vita cu nu mìnimu di rispettu di parti di l'àutri, tenni mmeci cunzicutivamenti a chiudìrisi nta iddu stissu, pirchì l’evitari ddi situazzioni cumuni, ci rènninu la vita chiuduta e pirsunali, cumposta sulu d'azzioni di routine senza un mìnimu d'aspirazzioni nta na vita dicisamenti tristi e ripititiva, c'abbisogna, mmeci, curaggiu, firmizza e idiali (datu ca la virgogna pròvuca midemma la pèrdita di curaggiu e firmizza, e l’aumentu di nzicurizza versu iddu stissu e versu a l'àutri).