Verra anglu-zanzibbariana

Dâ Wikipedia, la nciclupidìa lìbbira.
Lu palazzu dû sultanu doppu lu bumbardamentu

La verra anglu-zanzibbariana fu cummattuta tra lu Regnu Unitu e Zanzibbàr lu 27 di austu 1896. Cu na durata di suli 38 minuti, è la cchiù brevi verra ducumintata dâ storia, e è citata pi stu fattu dû Guinness Book of Records[1].

Storia dû scontru[cancia | cancia la surgenti]

Nnâ l'ùrtima dicina d'anni dû sèculu XIX, l'ìsula di Zanzibbar era l'oggettu di sciarra tra li putiri culunialiRegnu Unitu e dâ Girmania. Li ngrisi àppiru na pusizzioni privalenti, e ntô 1890 uttìnniru ca Zanzibbàr addivintassi un prutitturatu britànnicu e lu mpegnu tudiscu di nuddu ntrumissioni. Lu sultanu Hamad bin Thuwaini, 'n càrrica dû 1893, era cuntrullatu drittamenti di l'auturitati culuniali britànnichi.

 morti di Thuwaini, lu 25 di austu 1896, appuiatu (pi nu modu chi nun sapemu pricisamenti) dî tudischi, lu niputi Khalid bin Bargash si pigghiau lu putiri c'un corpu di statu. Li ngrisi, chi sustinìanu n'àutru cannidatu (Hamud bin Muhammed) urdinaru a Bargash di rinunziari ô tronu dànnucci comu ultimatum li uri 9 dû 27 di austu.

Bargash rifiutau la mpusizzioni ngrisa e arricugghìu n'asèrcitu furmatu di circa 2.800 òmini, un vecchiu pànfilu armatu dû sultanu, lu H.H.S. Glasgow, e un vecchiu cannuni di brunzu chi nun sparava dû 1658. Mentri li truppi di Bargash si priparàvunu pi furtificari e addifènniri lu palazzu, la Royal Navy ngrisa facìa arricògghiri cincu navi di guerra e accuminzava a mmiari riparti di sbarcu di li Royal Marines.

Nunustanti n'ùrtima prova dû sultanu a niguzziari la paci chî ngrisi attraversu lu rapprisintanti dî Stati Uniti a Zanzibbàr, li navi dâ Royal Navy accuminzaru a sparari versu lu palazzu la matina dû 27 di austu picca tempu doppu li 9. Li corpi di cannuni duraru 45 minuti (36 secunnu arcuni fonti), duranti li quali lu Glasgow fu calatu 'n funnu e lu palazzu dû sultanu distrudutu. Lu sultanu si rinculau, doppu avennu addumunnatu e ottinutu asilu pulìticu pressu lu cunzulatu tudiscu.

Doppu sta scunfitta, Ragash campau 'n esiliu a Dar es Salaam (tannucapulocu di l'Àfrica Urientali Tudisca) nzinu ô 1916, annu 'n cui fu ncagghiatu dî ngrisi e custrinciutu a trasfèririsi a Mombasa, 'n Kenja, unni murìu ntô 1925.

Nuti[cancia | cancia la surgenti]

  1. Editor-in-chief, Craig Glenday, Guinness World Records 2008, London, Guinness World Records, 2007, p. 118, ISBN 978-1-904994-19-0

Talìa puru[cancia | cancia la surgenti]

Lijami sterni[cancia | cancia la surgenti]