Utenti:Ninu Russo

Dâ Wikipedia, la nciclupidìa lìbbira.

Ciau a tutti, Iu sugnu Ninu Russu, abitu ntê Stati Uniti, e, pricisamenti, ntâ California. Vinni cca 43 anni fà pâ stissa raggiuni pi cui vinniru tutti: pi truvari un futuru megghiu. A Sicilia stu futuru nun mi lu potti dari, ma a curpa nun fu di la Sicilia, ma di la corruzzioni di lu cuvernu centrali prima e chiddu riggiunali doppu, ca ànnu sempri abbannunatu u populu sicilianu. Iu nun aiu risentimentu versu nuddu, ma ora ca nni sugnu luntanu, a Sicilia mi manca. Chistu chiddi ca sunnu 'n Sicilia nun lu caposcinu comu nun lu capeva mancu iu quannu era ddà. U fattu è: bedda quantu sia a casa d'avutru, a to' casa è sempri cchiù bedda, e iu a Sicilia nun mi l'aiu mai scurdatu. Sugnu puru n'appassiunatu dâ lingua siciliana, e mi piaceva puru quann'era ddà. Mi piaci puru l'italianu ed è na bellisima lingua: ddà iu parrava cchiù l'italianu ca u sicilianu. Di restu, comu mi dissi n'amica mia, u patri di l'italianu è u sicilianu, chi ginirò l'italianu â "Scola Puetica Siciliana" e a matri è u tuscanu, ca tramiti Danti, Petrarca e Boccacciu, l'allattò. Cca, vitti ca u sicilianu va a perdiri a perdiri: assai genti nun cci lu nzignaru a li figghi, avutri l'acchiapparu vuluntariamenti e nun si lu nzignaru bonu. Sparti c'è u fattu ca cca, nta Merica, u sicilianu arristò fermu quasi comu a mità dû "900. U sicilianu oggi è anticchia diffirenti, comu tutti li lingui, va sempri canciannu. Appuntu pi chistu iu fici un Website unni cci truvati storia, raccunti, puisia e musica siciliana, cun sicilianu cchiù mudernu. Chistu è l'indirizzu:

http://home.att.net/~ilsiciliano

Visitatilu e divirtitivi.