Usu (linguìstica)

Ntâ linguìstica, cô tèrmini usu, cuniatu dallu cchiù mpurtanti rapprisintanti dâ scola di linguìstica strutturalista Louis Hjelmesley, s'ìnnica l'attu linguìsticu individuali, la rializzazzioni cuncreta di chidda ca lu stissu Hjelmsley chiama sistema, zoè l'inzemi di cunuscenzi mintali, di rèuli intiriurizzati insiti ntô còdici lingua, ca custituisciunu la capacitati di prudurri missàggi e sunnu pussiduti comu sapiri astrattu ntâ stissa misura da tutti li membri di na cumunitati linguìstica.
Quinni la lingua comu sistema si manifesta riarmenti ntâ l'ispirienza fattuali dô parranti, pirtantu nta la sò usu.
Nu linguista è chiaramenti nterissatu a studiari e svilari lu sistema, ma ppì fàrilu iddu ha pàrtiri dall'usu, ca furnisci li dati ussirvabbili da li quali appoi arricavari li legghi dâ lingua.

La tirminuluggìa di la dicutumìa sistema e usu apparteni quinni â linguìstica strutturalista di Louis Hjelmsley.
Ma ppì spigari li stissi cuncetti asistunu àutri tèrmini:
cumpitenza e isicuzzioni, tèrmini cuniati da l'illustri linguista cuntimpuràniu Noam Chomsky, unni la cumpitenza fussi lu sistema, mentri l'isicuzzioni l'usu.
E langue e parole, du palori francisi di lu patri dâ linguìstica muderna Ferdinand De Saussure, unni la langue cuincidi ccù lu sistema e la cumpitenza, mentri la parole, ccù l'usu e l'isicuzzioni.