Urmoni

Dâ Wikipedia, la nciclupidìa lìbbira.
A Epinifrina (addrinalina), nu urmoni di tipu catecolamminicu

N'urmoni (dilla lingua greca hormaein, ὁρμάω ca voli diri "iccitari") è nu missaggeru chimicu ca trasmetti signali di na cellula (o nu gruppu di celluli) a n'autra cellula (o a n'autru gruppu di celluli).
Sta sustanza è pruduciuta di n'organismu cu lu compitu di mudularni lu mitabbolismu e/o l'attivitati di li tissuti e l'organi dill'urganismu stissu.

L'urmoni sonu pruduciutu di ghianduli indocrini, ca li riversanu nta li liquidi di lu corpu.

L'urmoni sunu classificati, in basi â struttura, nta tri gruppi:

  • urmoni piptidici
  • urmoni stiroidei
  • urmoni dirivati di l'amminoacidi

Urmoni piptidici[cancia | cancia la surgenti]

Sunu di l'urmoni custituiuti di uligupeptidi o prutiini.
Viènunu sintitizzati suttu forma di priurmoni e sulu duoppu na succissiva mudificazzioni addiventanu attivi.
N'isempiu eni lu paraturmoni, ca nta sô forma di pruurmoni eni loncu 90 amminuacidu, mentri nta sa forma attiva ni cunteni sulu 84.

Autri urmoni di natura prutidica sunu l'insulina, pruduciuta di li β dô pancreas, e lu TRH, pruduciutu di l'iputalamu, ca eni n'impurtanti fatturi di rilasciu ca aggisci supra all'ipofisi pi lu rilasciu di l'urmuni tireustimulanti (TSH) e chi va a aggiri supra a tiroidi.

L'urmoni prutidici viaggianu nta lu circulu sanguignu finu a arrivari a li celluli birsagghiu.
Cani, issennu pulari, nun arrinesciunu a passari a mimbrana ma si leganu a particulari ricittori intramimbranali.
Lu loru influssu attiva l'adenilatu ciclasi n'enzima ca forma l'AMPc (AMPciclicu) partiennu di l'ATP (adenosintrifusfatu) e chissu, ccu funzioni di sicunnu missaggeru, va a fusfurilari, e dunqui a attivari, tutti l'enzimi nicissari ppi la risposta urmunali.

Urmoni stiroidei[cancia | cancia la surgenti]

Sunu urmoni di natura lipidica e addirivanu di nu pricursori cumuni ca eni lu culestirolu.
A strasformazzioni di lu culestirolu nta urmoni stiroidei antiressa na quantitati di matiriali irrilivanti ma di n'istrema 'mpurtanza fisiuloggica.
L'urmoni stiroidei formnu nu gruppu d'urmoni lipufili c'aggisciunu supra lu mitabbulismu, supra a crescita e a ripruduzzioni.
Macari chissi viaggiano nta lu flussu circulatoriu, traspurtati di particolari prutiini ca pigghianu lu nomi angrisi di carrier: li SBP (Steroid Binding Protein).


Chissu fa in manèra ca l'urmoni poti raggiungiri i celluli birsagghiu.
Cani, ssiennu di natura lipidica, trasunu ntâ cellula e attrovanu li sô ricitturi a nu liveddu cituplasmaticu o a liveddu nucliari.
Lu liami ntra li dui mienti in attivazzioni comu ppi l'urmoni prutidici l'adinilatu ciclasi (lu miccanismu eni u stissu di chiddu ca rissimu antura).
Arcuni di st'urmoni pirò janu lu loru ricitturi ca s'attrova supra a mimbrana sterna: cani lu ligami attiva na prutiina G furmata di tre subbunitati (alfa, beta e gamma).
A subbunitati alfa duoppu l'attaccu si fusfurilla dissuciannusi trasiennu in circulu nta lu cituplasma unni viaggia e sinni va a attivari l'adinilatu cilasi (u stissu miccanismu di l'urmoni pruggistinici).

Ntra l'urmoni stiroiddei aviemu:

androggini
ntra li cchiu canusciuti c'eni lu tistustironi, ccu 19 atomi di carboniu, pruduciutu nta nta li tisticuli e di li ghianduli surrinali di l'omu. Nta a fimmina eni pruduciutu nta quantitati nichi di li cellluli dilla teca e di li ghianduli surrinali. L'andrustironi pruduciutu dill'ovariu.

Tutti rui sunu 'mpurtanti ppâ ditirminazzioni di li carattiri sissuali e ppi lu cumpurtamentu cunsiquenti.

istroggini
ccu 18 atumi di carboniu. Ntra li cchiu 'mpurtanti c'eni l'istradiolu, pruduciutu di li uvaie, 'mpurtanti ppi l'accumulu d'acidi grassi e ppi lu prucessu di vitelluggenisi.
pruggistinici
a 21 atumi di carboniu. Tra li cchiu 'mpurtanti c'eni lu pruggestironi pruduciutu di l'ovaie e di la placenta.

Urmoni dirivati di l'amminuacidi[cancia | cancia la surgenti]

Sunu cumposti chimici dirivati dâ mudificazzioni di l'amminuacidi.
Quarchi isempiu sunu li caticolammini e l'urmona tiruidei (tiroxxina e triiodotironnina) dirivanti dill'aminuacidu tirusina, a sirotunina dirivanti di lu triptufanu e l'istammina dirivanti dilll'amninuacidu istidina.