Univirsitati di Oxford
L'Univirsitati di Oxford ('n anglisi University of Oxford) è na univirsitati ca havi sedi a Oxford, ntî lu Regnu Unitu. È la sicunna univirsitati cchiù antica ancora funziunanti ntî lu munnu e la cchiù antica di chiddi 'n lingua anglisi. Ccu tuttu ca la data pricisa di la funnazzioni arresta picca chiara, c'è prova di anzignamentu ddà di li primi di lu XI sèculu. L'Univirsitati criscìu 'n manera viloci quannu lu re Enricu II vitau li studenti anglisi di jiri a l'Univirsitati di Pariggi. L'Univirsitati di Oxford è spissu accurzata comu Oxon (di lu latinu Oxoniensis) e la sigla Oxf è oggi addupirata ntî li pubbricazzioni ufficiali di l'Univirsitati.
Doppu na sciarra ntra studenti e abbitanti di lu locu ntî lu 1209, cirtiduni accadèmichi si ni jeru avveri nord-ovest a Cambridge, unni funnaru l'Univirsitati di Cambridge. Li dui antichi univirsitati hannu assai punti 'n cumuni e spissu li genti si rifirìscinu a tutti dui ccu la palora Oxbridge. Ntra li dui univirsitati cc'è na forti rivalitati e ogni annu si urganizza na gara di canuttaggiu ca è assai sintuta ntî tuttu paru lu Regnu Unitu. L'Univirsitati di Oxford e di Cambridge sunnu ntra li megghiu univirsitati di lu munnu, sicunni ntî li classìfichi sulu a chidda di Harvard ntî li Stati Uniti.