U Cannateddu

U Cannateddu ("Cannitello" 'n talianu) è na frazzioni d'A Villa, 'n pruvincia di Riggiu Calabbria, ca s'affaccia supra lu strittu di Missina. Custituisci unu di li cchiù gradèvuli e carattirìstici burghi di mari dâ Calabbria. La lucalitati si sviluppa nteramenti longu la costa càlabbra dû Strittu e è unu dî picca centri abbitati cu abbitazzioni dû latu mari ca s'affàccianu dirittamenti supra la plaia, dâ quali si godi di na vista ùnica ca spazzia, ntê jurnati di tempu sirenu, di Capu Vaticanu a l'Ìsuli Eoli.