Turri Archirafi
Turri Archirafi è n'anticu e nicu paiseddu marinaru misu a sud di Ripostu e di chistu è na frazzioni.
L'anticu burgu era cumposto di na filarata di casi ca custiggiàvanu lu mari e, pi furtuna, nzinu a oggi arristau tali e quali com'era na vota, ma cu li casi aggiustati e abbilliti di comu avianu a èssiri a l'èbbrica, quannu èranu abbitazzioni di li pòviri marinara.
Lu paiseddu ora s'hà ngrannitu ammeri l'intra terra cu la fabbricazzioni di tanti villini ca vènunu usanti cchiossai pê vacanzi o ntê jorna fistivi.
Accuminciannu cu la primavera e spiciarmenti ntâ stati, lu paisi è assai friquintatu e lu lungumari si pòpula di tanti cristiani ca passìanu, s'accontrunu, si pìgghianu lu friscu e gòdunu di nu magnìficu e ùnicu paisaggiu: di jornu si vidi la muntagna, Taurmina e la custa dâ Calàbbria; câ sira ci sunnu li varchi chê làmpara, ca pàrrunu tanti lumini addumatintô mari.