Trincea

Surdati n trincea duranti la Battagghia dâ Somme, lugghiu 1916.

La trincea è nu nicu fussatu scavatu pi dui metri di prufunditati e tanti àutri di larghizza ca si putìa estenniri nfinu a chilometri longu lu tirritoriu.

N gioluggìa i trincii sunnu criati a causa di l'errusioni dû ciumi o û muvimentu giuloggìcu dî placchi tittonichi. Nnâ ncignirìa civili, campu dâ custruzzioni o dâ manutinzzioni di nfrastrutturi, sunnu criati pi nstallari nfrastruttiri suttirranii, comu cunnutta d’acqua o riti tilifunica, o pi ricircari sti mpianti. La trincea fu abbunnantimenti utilizzata puru pi ubbiettivi difinsivi militari. N archioluggìa lu "metudu trincea" veni utilizzatu pi ricircari antichi ruvini o pi scavari n strati di matiriali sidimintatu.

Usu dâ trincea

Usu militari

La trincea fu utilizzata principarmenti comu ubbiettivu difinsivu militari. Veni riurdatu cchìossai pi la prima guerra munniali, d'unni veni utilizzatu pi ubbiettivi bellici o pi spustamenti, lu surdatu vinìa prutettu da li pruièttili dû nimicu, ma nta ddi fussati si vivìa na vita a cuntattu custanti cu la morti, o cu piriculu dâ morti. Spissu li trincii avìanu na ricinzzioni di filu spinatu pusizzionati dî surdati davanzi li trincii pi fari n modu ca i nimici nun putissiru trasìri facirmenti. Lu spazziu ca dividìa li surdati dâ trincea nimica vinìa chiamata terra di nuddu, d'unni vinìanu li avanzati pi cunquistari li àutri trincii, mentri li ritruvìi pirmìttianu di purtari firiti nnî spitali.

Giuluggìa

Situ archioluggìcu ngrisi

Arcuni trincii sunnu criati da l'errusioni d'acqua currenti o ghiacciai, àutri comu li fossi tittonichi o cchìu cumunimenti fossa ucèanica, sunnu criati da lu muvimentu gioluggicu dî placchi tittonichi. Arcuni fossi ucèanichi sunnu la fossa dî Marianni e lu Challenger Deep. Chist'urtimu è rilitivamenti prufunnu, liniari e strittu, e è furmata di li subduzzioni quannu li pacchi si ncòntranu.

Ncignirìa civili

Nnâ ncignirìa civili, campu dâ custruzzioni o manutinzzioni dî nfrastrutturi, li trincii hannu nu rolu mpurtanti. Ponnu èssiri criati pi circari tubi e àutri nfrastrutturi ca s'utilizzanu pi èssiri ntirrati, ma ca nun si sapi cchìu la sò pusizzioni, nfini ponnu èssiri criati comu primu passu di criazzioni di na funnazzioni.

Archioluggìa

N archioluggìa lu "metudu trincea" veni utilizzatu pi ricirca e scavu d'antichi ruvini o pi scavari n strati di matiriali sidimintatu pi uttiniri nu latirali (a strati) cu la spiranza di putiri cullucari uggetti o matiriali chi s'attruvanu n òrdini crunuloggicu.