Tri Tri Tri

Tri tri tri

setti fìmmini pi 'n tarì

ma 'n tarì è troppu pocu

setti fìmmini pi 'n piricocu

'n piricocu è troppu duru

setti fìmmini pi 'n mulu

u mulu jetta càuci

setti fìmmini pi na fàuci

e la fàuci è tagghienti

setti fìmmini pi 'n seppenti

u seppenti è muzzicarolu

setti fìmmini pi 'n cannolu

u cannolu è di canna

setti fìmmini pi na manna

a manna è di linu

setti fìmmini pi 'n parrinu

u parrinu dici a missa

fici nsigna a la batissa

a batissa ju na l'ortu

pi scippari 'n peri di finocchiu

e ci vinni di cacari

fici 'n trunzu quanto u mari.