Tiurema dî quattru culura

Dâ Wikipedia, la nciclupidìa lìbbira.
Esempiu di supirfici chiana n cui li riggiuni sunnu culurati usannu quattru culura.

N matimatica, e cchiù pricisamenti n giomitrìa lu tiurema dî quattru culura dici ca na supirfici chiana spartuta nti riggiuna cunnittuti, comu pi esempiu na carta giografica pulitica, si pò sempri jinciru usannu sulu quattru culura pi distinguiri cui culuri diversi li stati cunfinanti. Stu tiurema, puru si havi na enunciazzioni facili di capiri, fu assai difficili di dimustrari, e fu dimustratu sulu ntô 1977.

Ntâ rialitati ntô casu di na carta giografica pulitica, ci sunnu casi n cui quattru culura pònnu nun abbastari pi jinchiri na carta, pirchì nti certi casi, nu statu si cumponi di parti nun cunnittuti, li cusidditti enclavi. La cunnizzioni di cunnittivitati dû tiruema nun è jinchiuta e pirciò è pussibbili ca nta sti casi ci vonu culura superchiu.