Tiatru di l'Òpira di Sydney

Dâ Wikipedia, la nciclupidìa lìbbira.
Tiatru di l'Òpira e ponti suprâ baia a Sydney

Lu Tiatru di l'Òpira di Sydney (la Sydney Opera House), custituisci una dî cchiù significativi archititturi rializzati ntô sèculu XX quantu ca rapprisenta na cona nun sulu pâ citati di Sydney, in cui sorgi, ma quantu pi l'Australia stissa.

Lu prucettu vinni disignatu di l'architettu danisi Jørn Utzon.

Situatu nnâ baia di Sydney, allatu dûn parcu di divirtimenti a sud e abbicinu a l'enormi Sydney Harbour Bridge, l'edificiu e li soi cuntorni rapprisèntanu spisso na meta pî turisti chi - pâ maggior parti senza ntiressi pi l'òpira - affùddanu l'edificiu simpricimenti pi visitari la struttura.

Secunnu arcuni crìtici, li gusci a sizzioni sfèrica ponnu ricurdari la flotta di barchi a vela suprê mari australiani.

L'acùstica dâ ntera struttura, particularmenti chidda dû tiatru di l'òpira, nun havi sempri avutu apprizzamentu e anzi havi ricivutu critichi finu a essiri judicata nsuddisfacenti a rispettu â funzioni pi cui cci havi statu criata.

Galleria di mmàggini[cancia | cancia la surgenti]

Vuci currilati[cancia | cancia la surgenti]

Liami esterni[cancia | cancia la surgenti]

Nta Commons s'attròvanu àutri mmàggini rilativi a Tiatru di l'Òpira di Sydney.