Tia Carrere

Tia Carrere (Honolulu, 2 di jinnaru 1967) è n'attrici, mudella e cantanti statunitenza.

Biografìa

Primi anni

È d'urrìggini filippina, cinisa e spagnola. Lu sò veru nomu è Althea Rae Duhinio Janairo: pari ca lu nomu d'arti "Tia" veni dû fattu ca sò soru â nica, Alissandra, stracanciava pi chiamàrila lu nomu d'idda e anveci di Althea, la chiamava Tia.

Nzinu di quannu era picciuttedda pruvau la carrera di cantanti: accusì, ntô 1985, participau a la trasmissioni tilivisiva Star Search, unni, pirò, già ô primu turnu non passau. Scuntenta, si nni jìu a travagghiari nta na drugherìa di Waikiki unni vinni uccasiunarmenti nutata dû pruduttori Mike Greco ca la vosi cu iddu.

Nucuraggiata dî sò stissi ginitura, fici nu pruvinu p'aviri na parti ntô film Aloha Summer, unni appi nu successu bunazzu.

Primi successi

Doppu picca tempu si trasfirìu a Los Angeles, 'n California.

Dô 1985 a lu 1987 fu ntô cast dâ soap òpira General Hospital, mentri ntô 1986 fici na participazzioni straurdinària ntô telefilm d'avvintura A-Team.

Grazzi a la sô biddizza, accuminciau a travagghiari macari comu mudella, ntô mentri ca cuntinuava chiddu d'attrici: doppu arcuni travagghi nichi, comu a Resa dei conti a Little Tokyo dô 1991 (nzemi a Dolph Lundgren e Brandon Lee), ntô 1992 arrivau Fusi di testa, ca rapprisenta la sò prima pillìcula mpurtanti: Tia Carrere cumpari ntâ cummedia ntô rolu di na cantanti cinesa di nomu Cassandra, ca fà nnamurari lu protagunista ntrippitatu di Mike Myers.

L'anni '90

Doppu na participazzioni a lu show MacGyver, unni ntrippitau la parti di na maestra di karate, arripigghiau la sò prima spirenza comu cantanti: addivintau la frontgirl di nu gruppu hard rock ca prupunìa ntô ripirtoriu cover di li Black Sabbath e di li AC/DC.

Ntô 1993 rifiutau nu rolu ntâ seria tv Baywatch (ca veni datu a Carmen Electra) pi girari lu sèguitu di Fusi di testa, zoè Fusi di testa 2. Ntô stissu annu, nzemi a Sean Connery, fu protagunista dû noir Sol Levante.

Ntô mesi di nuvèmmiru dô 1992, Tia Carrere si maritau cu Elie Samaha, pruduttori italu-libbanisi ca appoi pruduci arcuni travagghi di l'attrici prima dô divorziu, ca s'ebbi ntô 1999.

Lu innaru dô 1993 vidi Tia Carrere e lu sò miravigghiusu corpu supr'â cupirtina di la famusa rivista Playboy. Sempri ntô stissu annu, pùbbrica nu discu musicali titulatu Dream, ca pirò nun eppi nu granni successu di vìnniti, tranni ca ntê Filippini, unni vincìu lu discu di plàtinu: stu passu fàusu la cumminci a turnarisinni ô cìnima. Ntô 1994 idda ntrèppita lu rolu di tirrurista nta nu film d'azzioni ca, a ditta d'assai critici, è tra li cchiù beddi e divirtenti di l'ùltimi deci anni: True Lies (di James Cameron, cu Arnold Schwarzenegger e Jamie Lee Curtis). Ntô 1995 fu la rapinatrici Gina Walker ntî Gli immortali, e ntô 1996 participau ô cìnima còmicu ntâ parudìa High School High, unni fici la parti di la sicritària Victoria Chapell.

Cci foru appoi àutri film di cassetta comu Kull the conqueror (1997) e suprattuttu Hercules (1998), prima d'arrivari â sèria tv Relic Hunter (1999), ca vinni trasmittuta cu bonu successu macari 'n Italia, unni Tia Carrere è prutagunista. Lu sò pirsunaggiu, la prufissuressa di archioluggìa Sydney Fox, è na speci di Indiana Jones fìmmina, ma ntâ rialità è cupiata macari ûu videu-jocu Tomb Raider e di la sò iruina Lara Croft.

Cchiù di ricenti, ntô 2002 ci detti la voci a Nani, la soru di Lilo, ntô film animatu Lilo e Stitch. La spirienza dô duppiaggiu, ca ivu bona, vinni cunfiermata n'annu doppu 'n Duck Dodgers, sèria animata unni fu l'animatrici di Queen Tyrani.

Eventi ricenti

Ntô innaru dô 2003 fici n'àutru sirvizziu nuda ppi Playboy, a distanza di deci anni di chiddu di prima. Tia Carrere hà sempri stata assai cuntrària a ammustràrisi nuda, n'abbast'a pinzari ca ntâ pillìcula Resa dei conti a Little Tokyo ntê sceni unni hav'appariri senza veli, o sò postu ci mìsiru na contrufijura.

Di quarchi tempu Tia Carrere ripigghiau la carrera di cantanti, e nta l'austu dô 2003 appi n'unurificenza dâ prisidintissa filippina Gloria Macapagal-Arroyo, ca ci prumittìu di travagghiari nta nu novu album ntô sò studiu prisidinziali.

Doppu ca divurziau di Elie Samaha, lu 31 di dicèmmiru 2002, si mariatau cû futògrafu e jurnalista Simon Wakelin e àppiru na figghia, Bianca, nasciuta lu 25 di sittèmmiru 2005. Ora Tia Carrere campa a Toronto, 'n Canada.

Filmografìa

Zombie Nightmare (1986)
Aloha Summer (1988)
Fine Gold (1989)
Fatal Mission (1990)
Instant Karma (1990)
Resa dei conti a Little Tokyo (1991)
Harley Davidson and the Marlboro Man (1991)
Little Sister (1992)
Fusi di testa (1992)
Rising sun (Sol Levante) (1993)
Wayne's World 2 (1993)
Quick (1993)
Treacherous (1994)
Hostile Intentions (1994)
True Lies (1994)
My Teacher's Wife (Un amore di prof) (1995)
Gli immortali (1995)
Jury Duty (1995)
Hollow Point (Impatto devastante) (1996)
High School High (1996)
Top of the World (1997)
Kull the Conqueror (1997)
20 Dates (1998)
Scar City (1998)
Merlin: The Return (1999)
Meet Prince Charming (1999)
Five Aces (1999)
Lilo & Stitch (2002, voce di Nani)
La scelta (Torn Apart) (2004)
Back in the Day (2005)

Apparizzioni tilivisivi