Template:Pàggina principali/Artìculu dâ simana

Dâ Wikipedia, la nciclupidìa lìbbira.


Lu sci è nu sport ndividuali nvirnali. Si pratica ntâ nivi sutta diversi formi. Li formi principali sunnu lu sci alpinu e lu sci nordicu; cchiù ricenti è lu sviluppu dû sci alpinismu.

Lu sci alpinu si pratica scinnennu di na calata di na muntagna câ nivi, aiutannusi cu na para di sci ô piedi. Òi li sci pû sci alpinu cchiu diffusi sunnu li carving, cchiù curti e cchiù làrichi dî sci classici chi si usàvanu nzinu a mità di l'anni '90, e ancora ccchiù curti e cchiù làrichi dî sci pû sci nordicu, chi si pratica appuiannusi cû na para di vastuna e caminannu nti trazzeri chiani câ nivi. Lu sci alpinismu, si pratica cu na para di sci cu attachi spiciali pî scarpuna, chi pirmettinu di spustarisi ntê muntagni facennu puru li cchianati.

Lu sci si po fari puru intra na sala tuttu l'annu macari cuanu fa caudu fora: è lu casu di certi stabbilimenti chiusi dû mediu orienti (ci ni sunu nti l'Emirati Àrabbi Uniti) assai cuntruversi pi lu mpattu ambintali.