Tantu va la quartara a l'acqua nzinu ca s'arrumpi

Tantu va la quartara a l'acqua nzinu ca s'arrumpi è nu pruverbiu di la tradizzioni linguìstica siciliana. Lu significatu di la sintenzia è: tantu na cosa s'addòpira ca prima o doppu si sfascia, oppuru, pirsunificànnulu, tantu unu fa lu dannu nzinu ca veni pigghiatu.

Lu pruverbiu havi na rassumigghianza ccu n'àutru di la tradizzioni taliana Tanto va la gatta al lardo ché ci lascia lo zampino ("Tantu cci va la gatta a lu lardu ca cci lassa l'urma").

Citazzioni

Lu pruverbiu è citatu e spigatu ntî la Raccolta di proverbj siciliani ridutti in canzuni di l'abbati Santu Rapisarda:

	«  Tantu sta lu lavari ntra li campi, sinu ca tuttu si matura e chiumpi: tantu lu celu trunìa ccu lampi, sinu ca in acqua abbunnanti prorumpi: tantu lu scarsu sciumi trova nciampi, sinu ch'a mari lu caminu cumpi: e la quartara ca tu guardi e scampi, tantu va all'acqua sinu ca si rumpi.  »
	(Raccolta di proverbj siciliani ridutti in canzuni)

Vuci cunzigghiati

• Pruverbi siciliani, nu veru granni alencu di pruverbi di la Sicilia.