Struògnuli

Struògnuli (n italianu Stròmboli) è una di l'ìsuli Eolî e dû vurcanu omònimu chi desi uriggini all'isula circa 40000 anni fa, e chi è tra li cchiù attivi dû munnu. La sò attivitati rigulari duna lu nomu ê fasi d'eruzzioni vurcànichi cu effusioni rigulari e cuntìnua di lava, attivitati chi sunnu canusciuti cû nomu di attivitati strummuliana.

L'ìsula cunta du' paiseddi, Struògnuli, e Ginostra pi nu tutali di circa 500 abbitanti, appartinenti amministrativamenti ô cumuni di Lipari, e chi ntâ stati pònnu divintari quasi lu duppiu. Nti l'ìsula nunn c'è circulazzioni di màchini, e puru l'elittricità fu ntruduciuta ricintimenti. Veni chiamatu "Iddu" di l'abbitanti di l'isula.

Eruzzioni storichi

Lu vurcanu havi eruzzioni giniralmenti friquenti e la cui culata lavica s'adduvaca ntâ cusidditta sciara dû focu. Eruzzioni particularmenti viulenti foru rigistrati ntô 1919 e ntô 1930.

Struògnuli ntô cìnima

A Struògnuli fu giratu lu film omònimu, Stromboli, di Robbertu Rossellini, cu Ingrid Bergman.