Màchina

Dâ Wikipedia, la nciclupidìa lìbbira.
La 500 dâ FIAT, di diversi dicini d'anni, è unu dî mudelli cchiù friquienti di màchini.

Câ palora màchina si sapi sèntiri nu nzemi di cumpunenti miccànichi cullicati tra d'iddi e riggiuti di nu muturi, cô scopu di fàricci fari un travagghiu cu forza diffirenti di chidda di l'omu.

Ci sù màchini fatti pi fari ogniduna travagghi diffirenti, p'asèmpiu pi mòviri la terra, pi isari pisa, pi traspurtari cosi e pirsuni, ecc.

Ntô linguaggiu cumuni, cumunqui, pi màchina si sapi sèntiri la vittura o automòbbili, mentri ca tutti l'àutri màchini vènunu chiamati ogniduna cu nu nomu spicìficu (gruppu alettrògginu, trivellattrici, ecc.), oppuru facennu sècutu a la palora "màchina" cu n'àutra palora ca servi pi nnicari a chi servi ssa màchina (màchina pi cùsiri, màchina futugràfica, ecc.)