Stidda di niutroni
Na stidda di niutroni è l'ùrtumu stadiu di evoluzzioni di na stidda ca accapau di bruciari idrogginu, evorvennu ntî na supernova e addoppu cu la sò massa risìddua cullassau sutta la forza gravitazziunali nzinu a sfardari l'atumi ca la cumpòninu pi nun lassari cchiù sulu li niutroni.
Lu diamitru di na stidda di neutroni è di quarchi chilòmitru pi na massa ca pò agghicari a diversi voti chidda dû suli.
Li stiddi ancora cchiù massicci pònnu evòrviri a nu stadiu ancora cchiù radicali ca è chiddu di purtusu nìuru, d'unni nenti pò nèsciri, mancu li signala radiu o radiazzioni X ca pirmettunu di rivilari l'esistenza appuntu di na stidda di neutroni.
Li stiddi di niutroni, a causa dâ liggi di cunsirvazzioni dû mumentu anculari, furrianu supra iddi stissi cu nu piriudu assai curtu, ca di solitu è na frazzioni di secunnu, e ca raramenti è cchiossai di quarchi secunnu.