Gas
Cu lu statu liquitu e lu statu sòlitu, lu statu gassusu o statu di gas è unu dî stati funnamintali dâ materia. Ntî stu statu la materia si carattirizza pi occupari tuttu lu spazziu a disposizzioni (pi esèmpiu na bùmmula) e pi aviri la proprietà d'èssiri comprimibbili. Li particeddi di gas, mulèculi o atumi, si spostunu cuntinuamenti ntî tuttu lu spazziu a disposizzioni di manèra caotica, secunnu chiddu chi è canusciutu comu motu brownianu.
Esempi di gas ntî la vita di tutti li jorna sunnu l'aria chi è na miscela di ossigginu, azzotu e n minima parti puru àutri atumi e mulèculi; lu vapuri àquiu chi è lu statu gassusu di l'acqua; e l'anidridi carbònica, gas chi risurta dî vari tipi di prucessi di cummustioni. Lu mitanu si usa ntî cucini a gas.