Statìstica

Dâ Wikipedia, la nciclupidìa lìbbira.
(Rinnirizzata di Statistica)
Jump to navigation Jump to search

La statìstica è na disciprina ca tratta dati ca hannu na forma nummèrica o assimilàbbili a na forma nummèrica. Cumprenni lu nzemi dî tècnichi ca sèrvinu a cògghiri certi canuscenzi ginirali partennu di dati cumpreti o nun cumpreti, e utilizzannu nu sistema scintìficu pricisu e ricurusu pi l'anàlisi, lu trattamentu e la ntirpritazzioni dî dati.

Si pò distìnguiri la statìstica discrittiva e la statìstica nfirinziali.

Storia[cancia | cancia la surgenti]

La palora statìstica diriva dû latinu status e fu usata pâ prima vota di Girolami Ghilini ntô 1589. A l'èbbica, e già prima, la palora era liata ê prubbremi di cinzimentu e di mmintariu. Ma la statìstica, comu scienza, si sviluppau chinamenti sulu ntô sèculu XX.

Duminî[cancia | cancia la surgenti]

La statìstica attrova appricazzioni 'n Bioluggìa, Dimugrafìa, Econumìa, Scienzi di l'Aducazzioni, Ncignirìa, Midicina, Assicurazzioni, Psicoluggìa, Socioluggìa, Fìsica, Astronumìa.