Ncignirìa
La ncignirìa furnisci li mètudi pâ ripruduzzioni d'un manufattu, o lu sviluppu o lu cuntrollu d'un prucessu. Li rilativi prufissiunisti sunnu dinuminati ncigneri.
A l'accuminzata d'un pruggettu di ncignirìa, li ncigneri hannu a capiri li pirvinnuli chi cundizziònanu la custruzzioni dûn oggettu. Capennu sti pirvinnuli, li ncigneri travàgghianu pi stimari li spicìfichi e li matiriali chi n'uggettu havi a pussèdiri p'èssiri pruduciutu.
Li ncigneri ùsanu supratuttu l'idìi dâ fìsica e dâ matimàtica p'attruvari li suluzzioni adatti ê prubbremi chi s'affrùntanu. Àppricanu la statìstica e lu mètudu scintìficu nnô dirivari li sò suluzzioni.
La palora diriva dû latinu, "ingeniosus", la radica dâ palora muderna ncegnu. Lu ncigneri era n'omu ntilliggenti, pràtticu, capaci di risòrviri prubbremi. L'ortugrafìa dâ palora fu appoi nfruinzata nnî paisi anglosàssuni dâ palora engine (muturi) e nfatti oggi nta sti paisi vennu chiamati engineers. Lu tèrmini si havi evulutu pi cumprènniri tutti li campi nta cui l'abbilitati di l'appricazzioni dû mètudu scintìficu sunnu usati.
La diffirenza principali tra la scienza e la ticnoluggìa è ca la prima cerca di capiri li finòmini, la secùnna d'appricari sta canuscenza p'uttèniri risurtati pràttici.
L'àrî principali dâ ncignirìa sunnu:
- Aeronàutica
- Aerospazziali
- Àudiu
- Automazzioni
- Biomèdica
- Chìmica
- Civili
- Alèttrica
- Alittrònica
- Nfurmàtica
- Miccànica
- Navali
- Nucliari
- Telecummunicazzioni
- Matiriali
Liami sterni
[cancia | cancia lu còdici]- Neuroingegneria.com, Rivista online di Ntilliggenza Artificiali, Neuroscienzi e Scienzi Cugnitivi.