Standarduluggìa

Dâ Wikipedia, la nciclupidìa lìbbira.

Na lingua standard è na lingua addupirata di nu gruppu di pirsuni nti li sò discussioni pùbbrichi. Li varitati o "dialetti" addivèninu standard tràmiti nu prucessu di standardizzazzioni, unni veni urganizzata la sò discrizzioni linguìstica tràmiti grammàtichi e dizziunari unni vèninu arriggistrati li sò palori. Di sòlitu, li varitati ca vèninu standardizzati sunnu li "dialetti" lucali parrati nti li centri di lu cummerciu e di lu cuvernu, unni hà crisciutu la nicissitati ca dda varitati hà èssiri addupirata.

Na lingua standard scrivuta è spissu annincata ccu la palora tidesca Schriftsprache.

Difinizzioni e riquisiti[cancia | cancia la surgenti]

La criazzioni di na lingua standard, addiveni di na coesioni nazziunali (culturali, pulìtica, suciali) ca tràmiti nu accordu addumana na lingua standard. Li lingui standard sunnu stabbiluti supra:

  • Nu dizziunariu arricanusciutu (ccu urtugrafìa e vucabbulariu standard)
  • Na grammàtica arricanusciuta
  • Na prununcia standard
  • Na istituzzioni linguìstica ca difinisci li normi, p'asempiu l' Académie française, l'Accademia della Crusca, ecc.
  • Status di liggi custituzziunali
  • Addupiramentu pùbbricu (tribbunali, parramentu, scoli)
  • Na littiratura