Spin doctor
|
Sta pàggina è òrfana, zzuè nun àvi lijami a tràsiri.
Pi favuri, agghiunci na lijami a sta pàggina e scancella st'abbisu. |
Lu tèrmini Spin doctor eni na palora ngrisa ca veni a diri dutturi dû raggiru, manipulaturi d'upiniuni, eni nu cunzulenti pulìticu spertu di cumunicazziona, ca pò scrìviri discursi, èssiri manager d'elizzioni, portavuci di partiti, spertu di sunnaggi e di Exit Poll, o ca travagghia pû cuvernu; a li voti veni chiamatu macari
consigliori.
Spin eni n'effettu particulari ca si duna â badda di baseball, e stu significatu fu pigghiatu pi nnicari l'effettu particulari ca lu "consigliori" duna a li nutizzi di rènniri pùbbrichi.
Li còmpita dû spin doctor
[cancia | cancia lu còdici]Li còmpita dû spin doctor sù divirsificati, ma sù tutti ricunnucìbbili a na ràdica cumuni: "massaggiari lu missaggiu", stràiri lu megghiu di quarsiasi situazzioni unni s'attrova lu sò clienti, dannu ê jurnalisti e media na virsioni "cunzata" di n'eventu-nutizzia cû rolu di "cunzigghieri dâ cumunicazzioni", "capu ufficiu stampa", "portavuci", o "campaign manager".
- Lu spin doctor sapi gistiri na crisi cu missaggi o tàttichi cumunicativi ad hoc, spiciarmenti ntô sitturi dâ pulìtica, nta li cunfrunti p'asèmpiu di na dicisioni mpupulari, curriggennu e smussannu quarchi pulìticu ca dici fissarìi, e dannu ê Media e pirciòni a l'upinioni pùbbrica na ntirpritazzioni cchiù bedda dî cosi ca lu sò clienti dissi pubbricamenti, pi evitàricci crìtichi, e cumunqui cummenta malèvuli
- N'àutra attività dû 'spin doctor eni furniri nutizzi "nfurmali" ê jurnalisti, facènnuli passari pi "cunfidenzi" o facènnuli filtrari comu nutizzi "anònimi".
- Àutru còmpitu dû spin doctor eni prumòviri la mmàggini di nu suggettu comu si fussi nu pruduttu, utilizzannu tèchinichi di marketing.
- A li voti pô succèdiri ca unu eni custrittu a duviri "criari" n'iventu ca putissi ntirissari e cummìnciri l'upinioni pùbbrica: chissu si chiama lu news management, fussi a diri la nfurmazzioni gistuta.
Li chiffari dû spin doctor, allura, nta nu certu senzu sù affari ca vannu oltri l'affari dû tradizziunali addettu stampa e dû cunzulenti di mmàggini.
La natura di lu spin doctor
[cancia | cancia lu còdici]Lu spin doctor eni sinza dùbbiu nu prufissiunista, spissu cu nu currìculummi e nu bagagghiu curturali nutèvuli, solitamenti pruvinenti dî ranghi di cunzulenti di marketing.
Ô stissu tempu, propria pâ sò piculiari attività di "massaggiari" li "missaggi" o "criaturi" di cannidati litturali (a lu nternu dâ cusidditta pirsunalizzazzioni dâ cumpitizzioni litturali), a èssiri nniffirenti â viritati dî fatti, e puru èssiri n gradu di manipulari la viritati, rinnènnula attraenti a l'occhiu dû pùbbricu.
Comu a Giano Bifronti lu spin doctor havi lu dùplici rolu di prufissiunista midiaturi dâ cumunicazzioni e di "geniu dû mali", na speci di ammaistraturi di nutizzi, nu riggista di l'effetta spiciali criativu e lu tempu stissu munzignaru, sempri comunqui cuirenti cu lu propriu mpegnu lavurativu.
Lu spin doctor eni p'asèmpiu chiddu ca suggirisci a la stampa di nun titulari la prima pàggina "Aumentu dî tassi" ma "Riassettu fiscali".