Sirpenti
Lu sirpenti è nu rèttili dû suttòrdini dî Serpenti. St'armali è vilinusu o nnòcuu. Ci havi lu corpu allungatu ricupertu di squami di variu culuri. E' di forma cilìndrica e privu di zampi, di diminzioni variàbbili di picca cintìmitri a diversi metri. Poti èssiri tirrestri, marinu o poti campari 'n acqua duci. E' carnìvuru, ovìparu o ovovivìparu, cu apparatu uditivu picca sviluppatu e vucca veru dilatàbbili, a li voti furnita di ghiànnuli ca prudùcinu lìquidi vilinusi macari usati 'n midicina. Ci havi na lingua bìfida funziunanti di òrganu tàttili e olfattivu. Quannu lu sirpenti è nicu, veni chiamatu "sirpinteddu".
