Santi Tecla e Justina

Dâ Wikipedia, la nciclupidìa lìbbira.
Jump to navigation Jump to search
Tavula di Sante Tecla e Justina na Cresia Matrici di Lintini (SR)

Tecla e Justina (Lintini ? - Lintini (SR), morti tra lu 262 e lu 264) sunnu Santi vinirati da Cresia Cattolica. Nun s’havi a cunfunniri Tecla cu autri Santi ca portanu u stessu nomi.

Aggiografìa[cancia | cancia la surgenti]

Era na nobili di l’antica Citati di Lintini, educata na fidi cristiana e avia casi e tirreni. Stava curcata nò lettu picchi era paralitica; Justina era sò cucìna e nun ci videva di un occhiu.

Quannu li tri Santi Alfiu, Filadelfu e Cirinu foru arristati e misi na prigiuni, idda li mannò a chiamari e di notti trasèru na sò casa. Doppu aviri prjatu, ‘nvucannu puru a Sant’Andria, Tecla si susìu guarita e Justina ebbi la vista. Purtaru na prigiuni lu cunfortu matiriali e spirituali e quannu i Santi curunaru a vita cu martiriu, pigghiaru i corpi di tutti tri e i sippilleru na zona du Strubiliu, unni oj c’e a Cresia, na vota Catidrali di Lintini. O postu di so casi vosi ca si facissiru tri Cresie: o Strubiliu, a Azianu, na Gruta di San Giulianu e ô postu da Basilica di l’astronumi, Santa Maria da Cava. Lu cunsigghieri du Presidi Tertullu, Alissandru, dittu Neofitu, fu ‘struitu du viscuvu di Lipari Agatuni, ca stava a Lintini, pi essiri lu primu viscuvu. Partìu pi Roma pi riciviri la consacrazioni du Papa Stefanu I ntô 259. Lu 4 di sittèmmiru 261 Neofitu cunsacrò la Cresia di S. Maria da Cava e vosi ca la Madonna s’invucassi comu Matri di Diu prima du Cunciliu di Efesu431. I Cristiani di Lintini, pi scampari dî pirsicuzioni, s’ammucciaru dintra na grutta du Munti Assia, vicinu a Bruca; Tecla ci mannò lu viscuvu di Lipari Agatuni. Justina accumpagnava ca prijera e l’amuri pi puvuredda e l’orfani l’opiri di Tecla. Muriu lu 10 Jnnaru 262. Tecla doppu du anni. Foru sippilluti no stissu sapurcu di Santi martiri, na Matrici di S.Alfiu. U cultu fu appruvatu du Papa Paulu V1610. Tecla è a Patruna di Mirtu (ME), cumpatrona di Lintini (SR), Carruntini (SR) e Aciriali (CT).

Iconografìa[cancia | cancia la surgenti]

S. Tecla è pittata no tettu du transettu sinistru e supra na tavula cu Santa Justina na sacristia da Matrici di Lintini. Di Santa Tecla c’è na statua di lignu na Cresia da grutta di Santi a Lintini e na statua di lignu argintata cu na cruci e un ramuzzu d’alivu na manu gritta e na manu manca u mudellu da Cresia Matrici di Lintini di cui fu funnatrici, na Cresia didicata a Idda nda cuntrata Santuzzi.

Riliqui[cancia | cancia la surgenti]

I Riliquii sunnu na cascia dintra a Cappella da Cresia Matrici di Sant’Alfiu a Lintini.

Liami sterni[cancia | cancia la surgenti]