San Zosimu viscuvu

San Zosimu Tavula di Antunellu di Missina( attr.1430-1479 ) no Tesoru da Catidrali di Sarausa

Zosimu (Sarausa, 570 ? – Sarausa, 662) è un Santu viscuvu, viniratu da Cresia Cattolica.

Aggiografìa

Sò patri e sò matri, arrialaru un tirrinu ô Monasteriu binidittinu di Santa Lucia a Sarausa quannu nasciu lu picciriddu. A sett’anni lu purtaru nò stessu Monasteriu e l’Abati ci dissi di custudiri lu Sapurcu di Santa Lucia. Lu fici pi tren’anni. Quannu murìu l’Abati Faustu, li monaci jeru nò viscuvu Giuvanni pi l’elezioni dû novu abati; chiddu fici chiamari Zosimu e lu fici parrinu e abati. Â morti dû viscuvu di Sarausa Isaccu, lu populu vosi Zosimu pi viscuvu. Fu cunfirmatu dû Papa Teodoru e stetti a guidari li Cristiani dû 647 o 662 cu buntà e saggizza. Aggiustò lu tempiu dâ Biata Virgini, ca era la Catidrali e lu consacrò ntô 652.

Cilibbrazzioni

La Cresia greca e latina fa la festa lu 30 di marzu, forsi lu jornu dâ so morti. Na l’Arcidiocesi di Sarausa si ni fa memoria lu 6 di sittèmmiru. Un quatru dû Santu, opira di Antunellu di Missina (1430-1479) è na Cattidrali ô latu all’artaru dû Crucifissu.

Riliquii

I Riliquii sunnu custoditi na Cappella du Palazzu Arciviscuvili di Sarausa dintra na cascitedda d’argentu.

Bibbliografia: O: Garana I Vescovi di Siracusa Emanuele Romeo editore Siracusa,1994