San Valintinu

Dâ Wikipedia, la nciclupidìa lìbbira.
Jump to navigation Jump to search
Vitrata a musaicu di San Valintinu na Basilica omonima di Terni

Valintinu (Terni , 175 ca- Roma, mortu tra lu 269 e lu 273) è un Santu viniratu da Cresia Cattolica.

Nutizzi biografichi[cancia | cancia la surgenti]

I Martirulogi dâ Cresia, u Rumanu e u Geronimianu portano u ricordu di dui Valentinu: unu martiri a Roma, l’autru martiri a Terni. Siccomi i notizii sunnu quasi i stissi, è assai facili capìri ca u Santu è unu sulu e martiri a Terni, picchì chiddu rumanu è sulu un ricordu di na Cresia ‘ntitulata a iddu.

Nà Passioni di San Felicianu è scrittu ca u stissu viscuvu ordinò Valintinu viscuvu di Terni no 197 cu pirmissu du Papa. Valintinu era canusciutu picchì sanava i malati, era a sirviziu di poviri, di nicissitati di l’orfani e di carcirati e di cunsulazioni e piccatura.

Furiu Placidu, u Prifettu rumanu, sutta u ‘Mpiraturi Aurelianu, u fici arristari picchì accusatu di magia e datu ca Valintinu si rifiutava di sacrificare e dei ci fu tagghiata a testa lu 14 frivaru dû 273. Pari ca lu Martiriu fussi statu a Roma. Fu sippillutu o sissantatriesimu migghiu da Via Flaminia, vicinu a Citati di Terni di sò discipuli Proculu, Efebu e Apulloniu. Nò locu da sapurtura i Cristiani ficiru un Oratoriu e sutta terra, vicinu o sapurcu du Santu, i fideli si facianu tumulari pi essiri vicini o Santu viscuvu e martiri.

Nò IV seculu fu custruita na Basilica; distrutta nò VI seculu e ricostruita un seculu doppu. Vicinu a Cresia di San Valintinu ci fu nò 752, u storicu ‘ncontru di Papa Zaccaria e Liutprandu, re di Lungubardi. A Festa è u 14 Frivaru. E’u Patronu da Citati di Terni e di Vicu dû Garganu, è ricurdatu a San Leu (PU), a Munselici (PD) a Faenza (RA) e Rimini. E’u Protetturi di ‘nnamurati.

Li Riliquii[cancia | cancia la surgenti]

Nò 1605 fu ritruvatu lu Corpu dû Santu dintra na cassa di chiummu situata dintra un sarcofagu di marmuru e chista fu l’occasioni pi ricostruìri na nova Basilica: nò 1618 ci foru purtati i Riliquii.

Nò 1630 i Riliquii ( parti da crozza, a mascidda cu picca denti e cinniri) foru cullucati dintra na caxia cu na statua curcata rivistuta d’argentu. Sta statua finu o 2002 fu sutta l’artaru maggiuri.

Nò 2003 parti da crozza, arrubbata no 1979 fu ritruvata. Nò stissu annu fu fattu un artaru novu ( versu u populu ) e sutta ci fu misa a statua - riliquariu, chiusa chi cristalli e ca‘scrizioni : “ Santu Valintinu, Patrunu di l’amuri “.

Liami[cancia | cancia la surgenti]