San Metodiu di Saraùsa

Dâ Wikipedia, la nciclupidìa lìbbira.
Jump to navigation Jump to search
Tavula bizantina di San Metodiu

Metodiu (Sarausa, nasciutu tra li 788 e lu 800, forsi ntô 789 - Custantinopuli, 14 di giugnu 847) è un Santu viscuvu viniratu da Cresia Cattolica e Ortudossa.

Aggiografìa[cancia | cancia la surgenti]

A Saraùsa Metodiu riciviu na bona educazioni di sò patri ca si chiamava Giuvanni. A vint’anni iu a Custantinopuli e dicidiu di farisi monacu nò Monasteriu di Chenolaccu n Bitinia. Funnò puru un Monasteriu nall’isula di Chiu e divintò Archimandrita (Abati). Aiutò lu Patriarca san Nicefuru e fu fattu arcidiacunu a vinticinc’anni. Nall’annu 843, pi vuluntà da ‘Mpiratrici Teudora divintò Patriarca di Custantinopuli.

Metodiu e l'iconuclastia[cancia | cancia la surgenti]

Mentri lu ‘Mperaturi Liuni Isauricu (714-741) vulìa ca si distruggissiru l’Immaggini sacri, Metodiu dissi ca li fiùri dâ Madonna e dî Santi eranu un aiutu validu pâ divuzioni e pi chistu ntô 815 fu mannatu in esiliu a Roma unni canuscìu lu Papa Pasquali I. Lu Papa scrissi o novu Mpiraturi Micheli lu Checcu pi fari nsidiari arreri a Metodiu. Turnatu a Custantinopuli ntô 821 fu arristatu e ‘mprigiunatu pi nov’anni dintra na grutta. Nun ebbi timuri di diri o ‘Mperaturi Teofilu, ca vulia distruggiri l’Immagini dî Santi: ”Nun ti vriogni a fari vinirari li tò immaggini, mentri cunnanni chiddi ca veneranu chiddi di Cristu ?“ Fu rinchiusu nâ prigiuni e ci rumperu la mandibola a forza di pugna pi nun fallu parrari cchiù. Doppu picca tempu fu libiratu e la Mpiratrici Teudora vosi ca l’Imaggini s’havianu a vinirari arrèri. Fu viscuvu pi quattr’anni e fu l’auturi no 843 da Festa dâ Ortodussia, ca si celebra puru oj na Cresia Bizantina la Prima Duminica di Quaresima. Scrissi opiri puetichi e teulogichi e la Vita di San Teofanu. Metodiu fici a San Naucraziu Abati di Studiu; a San Simeuni di Lesbu viscuvu di Mitileni, a San Teodoru lu Marcatu metropulita di Nicea e lu rimitu Petru viscuvu di Syílaion. Fici restaurari di San Lazzaru lu Kazaru la tavula dû Sarvaturi di Chalki. Nô 844 richiamò di l’ esiliu San Teofilattu e ci detti la sedi di Nicumedia; lu 13 di marzu 847 pusò nâ Basilica di l’Apostuli li Riliquii di San Nicefuru. Fu chiamatu “lu Granni” e “lu Divinu “ pâ so vita ascetica e la forti duttrina. Murìu lu 14 Giugnu 847 e fu sippillutu na Basilica di l’Apostuli. San Fozziu scrissi l’Innu pi sò funerali e la Vita fu scritta di l’Arciviscuvu di Saraùsa Grigoriu Asvesta.

Liami sterni[cancia | cancia la surgenti]

Na vita di San Metodiu di nu situ ortudossu in italianu.