San Massimianu di Saraùsa

Dâ Wikipedia, la nciclupidìa lìbbira.

Massimianu (Saraùsa, ? - Saraùsa, 9 di giugnu 594) è un santu viscuvu viniratu da Cresia Cattolica.

Aggiografìa[cancia | cancia la surgenti]

Massimianu fu un monacu binidittinu du Monasteriu di Sant’Andria a Roma e maistru di San Grigoriu Magnu, ca lu nvitò a fari vita di monacu nò Palazzu Apustolicu. Era apocrisariu, vali a diri ambasciaturi a Custantinopuli di Papi Pelagiu e Grigoriu Magnu. Chistu lu numinò viscuvu di Saraùsa no 591 e lu fici Vicariu dû Papa pi tutta la Sicilia. Muriu lu 9 Giugnu 594. Li Citatini di Saraùsa scrissiru ô Papa pi aviri un successuri e iddu rispunniu ca nuddu era dignu di succediri a Massimianu: forsi l’unicu era Giuvanni, Arcidiacunu da Cresia di Catania. San Grigoriu Magnu ricorda Massimianu ntê so Littri comu “ omu di santa memoria, un fidelissimu servu di Diu, un laboriosu patri da sò Cresia e unu du Coru di l’Ancili “.

Bibbliografìa[cancia | cancia la surgenti]

O. Garana, I Vescovi di Siracusa, Emanuele Romeo Editore Siracusa,1994