San Liunardu Murialdu

Dâ Wikipedia, la nciclupidìa lìbbira.
Jump to navigation Jump to search
Quatru di San Liunardu Murialdu nà Casa Giniralizzia, Roma

Liunardu Murialdu ( Turinu, 26 Uttuviri 1828 - Turinu 30 Marzu 1900 ) è un Santu viniratu da Cresia Cattolica.

U patri si chiamava Franchinu e facìa l’Agenti di Cambiu; a matri Teresa Rho. Cu frati Ernestu, doppu a morti du patri , Nadinu ( accussì era chiamatu ) ca avìa cinc’anni, fu mannatu nò Culleggiu di Patri Sculopi a Savona. Nò 1843 turnò a Turinu e si laureò in Teulugia nà Regia Università.Nò 1851 fu fattu parrinu. I primi quattordici anni du ministeriu foru didicati a Catechesi di picciotti, a pridicazioni e a prisenza né primi Oratori di Turinu, specialmente nà periferia da Citati. Nò 1865 ju a Parigi, unni stetti nò Seminariu di San Sulpiziu pi cumplitari a furmazzioni teulogica e spirituali e canùsciri l’attività educativi da Capitali da Francia. Ju puru a Londra. Turnatu a Turinu addivintò Retturi du Culleggiu di l’Artiggianelli e di tannu ‘npoi a sò vita fu didicata a riciviri, educari e furmari prufessionalmenti i picciotti. Nò 1865 crìò l’Unioni di Operai Cattolici, forma riliggiusa e suciali contru l’Assuciazioni Ginirali Operaia di Turinu. Pi nicissitati di lavuratura funna nò 1873 a Cungrigazzioni di San Giuseppi ( ditti poi Giuseppini du Murialdu ), Casi-famigha, Culonii agriculi e Oratori. Fu u primu ca si battìu pi na giusta legislazioni pi lavuratura e pu prulungamentu da ‘struzzioni scolastica pi picciriddi, ca javanu a travagghiari troppu nichi. Fu prisenti puru nà Stampa Cattolica ca Vuci di l’Operaiu. Murìu u 30 Marzu 1900. Fu biatificatu u 3 Nuvemmiri 1963 du Papa Paulu VI e fattu Santu du stissu Papa u 3 Maju1970. A Festa è u 18 Maju.

I Riliquii

U Corpu sanu sanu è na Cresia di Nustra Signura da Saluti a Turinu. Du 1917 o 1971 fu tumulatu na Cresia di Santa Barbara; du 1943 o 1949 fu purtatu a Summariva du Voscu ( CN) pi causa da Guerra Mundiali.

Bibbliografia Renzu Agassu, San Liunardu Murialdu amicu, frati, patri, Libreria Editrici Murialdu, Roma 2000. Juvinali Dotta, A fjura e l’opra di San Liunardu Murialdu, in Juvinali Dotta – Giuseppi Fossati – Danilu Magni, Liunardu Murialdu, l'Artigianelli e l’Oratorio San Martinu, Libreria Editrici Murialdu, Roma 2004. Eugeniu Reffu, Vita du Teolugu Liunardo Murialdu Retturi di l'Artigianelli di Torino e Fondatore della Pia Società di S. Giuseppe, sesta ed., Tipografia S. Pio X, Roma 1964.

Liami

www.murialdo.org www.vatican.va